કોરોના વાયરસ / WHOએ કોરોનાના વેરિએન્ટનું કર્યુ નામકરણ, જાણો ભારતમાં મળેલા 2 વેરિએન્ટને શું નામ મળ્યુ

• કોરોના વેરિએન્ટનું નામકરણ ગ્રીક આલ્ફાબેટના આધારે કર્યુ 
• ભારતમાં મળેલા વેરિએન્ટને ડેલ્ટા અને કપ્પા નામ આપવામાં આવ્યા
• WHOએ પ્રતિક્રિયા આપી હતી

કોરોના વેરિએન્ટનું નામકરણ ગ્રીક આલ્ફાબેટના આધારે કર્યુ 

વૈશ્વિક મહામારીમાં વિભિન્ન દેશોમાં મળેલા કોરોનાના નવા વેરિએન્ટનાં નામકરણને લઈને સમસ્યા આવી રહી હતી. સામાન્ય બોલચાલમાં આ વેરિએન્ટને એ નામોથી બોલાવાઈ રહ્યા છે જે દેશમાં તે મળ્યા છે. હાલમાં જ ભારતે આને લઈને વાંધો વ્યક્ત કર્યો હતો. એ જ રીત ચીને વુહાન વાયરસ નામ પર વાંધો વ્યક્ત કર્યો હતો.  WHOએ આ સમસ્યાનું સમાધાન શોધ્યું છે. કોરોના વેરિએન્ટનું નામકરણ ગ્રીક આલ્ફાબેટના આધારે કર્યુ છે.

ભારતમાં મળેલા વેરિએન્ટને ડેલ્ટા અને કપ્પા નામ આપવામાં આવ્યા

ભારતમાં ઓક્ટોબર 2020માં મળેલા વેરિએન્ટ B.1.617.2ને ‘ડેલ્ટા’ વેરિએન્ટ કહેવામાં આવ્યો છે. આ ઉપરાંત અન્ય સ્ટ્રેન B.1.617.1નું નામકરણ ‘કપ્પા’(Kappa) રાખવામાં આવ્યું છે.  ભારતની જેમ અન્ય દેશોમાં મળેલા વેરિએન્ટના નામકરણ કરવામાં આવ્યા છે. બ્રિટનમાં મળેલા વેરિએન્ટને ‘આલ્ફા’ કહેવામાં આવ્યો છે. દક્ષિણ આફ્રિકામાં મળેલા વેરિએન્ટને ‘બીટા’ ત્યારે બ્રાઝિલમાં મળેલા વેરિએન્ટને ‘ગામા’કહેવામાં આવ્યો છે. આ જ રીતે અમેરિકામાં મળેલા વેરિએન્ટનું પણ નામ રાખવામાં આવ્યુ છે.

મે મહિનામાં ભારતે ભારે વાંધો વ્યક્ત કર્યો 

ઉલ્લેખનીય છે કે મે મહિનામાં પહેલા અઠવાડિયામાં ભારતમાં કોરોનાના સ્ટ્રેનને ભારતીય કહેવા પર વિવાદ થયો હતો. કેન્દ્ર સરકારે તે સમાચારોને ફગાવી દીધા હતા જેમાં કહેવામાં આવ્યુ હતુ કે વિશ્વ સ્વાસ્થ્ય સંગઠને કોરોનાના B.1.617 વેરિએન્ટને ભારતીય વેરિએન્ટ કહ્યો છે. સરકારે કહ્યુ હતુ કે  WHOએ ક્યારેય આ શબ્દનો પ્રયોગ કર્યો નથી. B.1.617 વેરિએન્ટને વૈશ્વિક સમુદાય માટે ખતરો ગણાવ્યો છે. કેટલાક સમાચારોમાં B.1.617 વેરિએન્ટને કોરોના વાયરસનો ભારતીય વેરિએન્ટ કહેવામાં આવ્યો હતો. આ સમાચારો આધારહીન છે આનું કોઈ ઔચિત્ય નથી.  

WHOએ પ્રતિક્રિયા આપી હતી

ભારતના વાંધા બાદ  WHOએ આના પર પ્રતિક્રિયા આપી હતી.  WHOએ ટ્વિટર પર શેર કરેલા નિવેદનમાં કહ્યુ હતુ કે  WHO કોઈ પણ વેરિએન્ટને દેશના નામ પર રિપોર્ટ નથી કરતુ. સંગઠન વાયરસના સ્વરુપને તેમના વૈજ્ઞાનિક નામથી સંદર્ભિત કરે છે અને બાકીના લોકો પણ એમ કરે તેવી આશા છે.