રશિયામાં કોરોના રોગચાળો હાહાકાર મચાવી રહ્યો છે. છેલ્લા 24 કલાકમાં 40 હજારથી વધુ નવા કેસ સામે આવ્યા છે. પરિસ્થિતિ કાબૂ કરવા પુતીન સરકારે 11 દિવસનું લોકડાઉનનો નિર્ણય લીધો છે.
પુતીન સરકારે 11 દિવસનું લોકડાઉન ફરીથી લગાવ્યું
કોલેજો, મોલ, રેસ્ટોરાં અને બજારો બંધ કરવાનો આદેશ
60 વર્ષથી વધુ ઉંમરના લોકોને ઘરમાં રહેવાની અપીલ
Russia reported 40,096 new cases and 1,159 fatalities, as Moscow shuts down non-essential services for 11 days to combat the surge in COVID19 infections: AFP
રશિયામાં કોરોનાની બીજી લહેર હજી તો પુરી રીતે અટકી નથી કે ફરી એકવાર કોરોના કેસો વધવા લાગ્યાં છે. રશિયામાં કોરોના ફરી એકવાર તબાહી મચાવી રહ્યો છે. છેલ્લા 24 કલાકમાં 40 હજારથી વધુ નવા કેસ સામે આવ્યા છે. જે રોગચાળાની શરૂઆત પછીની સૌથી વધુ સંખ્યા છે. તે જ સમયે, 1159 લોકોએ જીવ ગુમાવ્યો છે. કોરોના પર નિયંત્રણ મેળવવા માટે પુતિન સરકારે 11 દિવસનું લોકડાઉન લાગુ કરવાનો નિર્ણય લીધો છે.
કોલેજો, મોલ, રેસ્ટોરાં અને બજારો બંધ કરવાનો આદેશ
ગુરુવાર (28 ઓક્ટોબર)થી રશિયામાં શાળાઓ, કોલેજો, મોલ, રેસ્ટોરાં અને બજારો બંધ કરવાનો આદેશ જારી કરવામાં આવ્યો છે. શાળાઓ તેમજ જીમ, મોટાભાગના મનોરંજન સ્થળો અને સ્ટોર્સ 11 દિવસ માટે બંધ રહેશે. આ સમય દરમિયાન, રેસ્ટોરાં અને હોટલ ડિલિવરી ઓર્ડર માટે ખુલ્લી રહેશે. રશિયન અધિકારીઓને આશા છે કે, આ સમય દરમિયાન લોકોને ઓફિસો અને જાહેર પરિવહનથી દૂર રાખવાથી કોરોનાવાયરસ રોગચાળાના ફેલાવાને મર્યાદિત કરવામાં મદદ મળશે.
60 વર્ષથી વધુ ઉંમરના લોકોને ઘરમાં રહેવાની અપીલ
સરકારે માત્ર દવાની દુકાનો અને આવશ્યક ચીજવસ્તુઓની દુકાનો ખોલવાની મંજૂરી આપી છે. વ્લાદિમીર પુટિને કહ્યું કે રશિયાના 85 પ્રદેશોમાં જ્યાં પરિસ્થિતિ ખાસ કરીને ભયંકર છે, ત્યાં કામ વહેલું અટકાવી શકાય છે અને રજાઓ 7 નવેમ્બરથી આગળ વધારી શકાય છે. તે સમય દરમિયાન, મોટાભાગની સરકારી સંસ્થાઓ અને ખાનગી વ્યવસાયોએ પણ મુખ્ય ઈન્ફ્રાસ્ટ્રક્ચર અને અન્ય કેટલાકને બાદ કરતાં, કામ બંધ કરવું પડી શકે છે.પુટિને સ્થાનિક અધિકારીઓને આદેશ આપવા કહ્યું છે કે 60 વર્ષથી વધુ ઉંમરના લોકો કે જેમણે રસી લીધી નથી તેઓ ઘરે જ રહે.