કોરનાને લઈને રાહતના સમાચાર મળ્યા છે. 19 રાજ્યમાં હવે કોરોનાનું એક જ જીનોમ મળ્યું છે . એક હજારથી વધુ જીનોમને સુરક્ષિત કરાયા છે. હૈદરાબાદના વૈજ્ઞાનિકોએ તેના ડેટા બનાવ્યા છે.
19 રાજ્યમાં હવે કોરોનાનું એક જ જીનોમ
એક હજારથી વધુ જીનોમ થયા સુરક્ષિત
હૈદરાબાદના વૈજ્ઞાનિકોએ બનાવ્યા ડેટા
19 રાજ્યમાં કોરોનાના સૌથી વધુ A2A જીનોમ મળ્યા છે. 617 જીનોમ A2A સ્ટ્રેન સાથે જોડાયેલા છે. 249 જીનોમ A3I સ્ટ્રેન સાથે જોડાયેલા છે. આ બન્ને સ્ટ્રેન અન્યની તુલનામાં ઓછા અસરદાર છે. આ જીનોમ ઓછા અસરકારક હોવાથી દર્દી ઝડપથી સાજા થાય છે.
જોકે ઘણા ઓછા દર્દીઓમાં આ જીનોમ ઘાતક બને છે. CCMBના નિર્દેશક ડૉ. રાકેશ મિશ્રાએ જીનોમ એકત્ર કરીને વેબસાઈટ બનાવી છે. આ વેબસાઈટમાં કયા રાજ્યમાં કયા સ્ટ્રેનના દર્દી છે તે ત્યાંથી જાણી શકાશે. 19 રાજ્યની 33 લેબમાં 1031 જીનોમ એકત્ર થયા છે.
વેબસાઈટને ગિયર-19 નામ આપવામાં આવ્યું છે. દેશમાં પ્રથમ દર્દી 30 જાન્યુઆરીએ મળ્યો હતો. ફેબ્રુઆરીના પ્રથમ સપ્તાહમાં કોરોનાના 2 દર્દી મળ્યા હતા. માર્ચના પ્રથમ સપ્તાહમાં દર્દીની સંખ્યા વધી ગઈ હતી. 1 મે સુધી ભારતમાં કોરોનાના 10 સ્ટ્રેન મળ્યા હતા. A1A, A2A, A2, A3, A3I, B, B1 અને B4 સ્ટ્રેન મળ્યા હતા.
22 મે બાદ લેવાયેલા સેમ્પલમાં મોટાભાગે A2A સ્ટ્રેન મળ્યા. જૂન મહિનામાં તમામ દર્દીઓમાં એક જેવા જ A2A સ્ટ્રેન મળ્યા. પ્રથમ સપ્તાહમાં અલગ અલગ રાજ્યમાંથી 62 સેમ્પલ લેવાયા. બીજા સપ્તાહમાં પણ 62 સેમ્પલ જ લેવામાં આવ્યા . આ 124માંથી 120 સેમ્પલમાં A2A સ્ટ્રેન મળ્યા હતા.