Coronavirus / એપલ કંપની અત્યારે ગેજેટ નહીં પણ બનાવી રહી છે આ વસ્તુ, જાણીને તમે પણ કહેશો વાહ

• એપલ અત્યારે ફોન નહીં પણ માસ્ક બનાવી રહી છે
• કંપની હાલ સ્વાસ્થ્યકર્મીઓ માટે માસ્ક બનાવી રહી છે
• શરુઆતમાં તેઓ અમેરિકાને બાદમાં બીજા દેશને મોકલશે માસ્ક

ઉદ્યોગ ક્ષેત્રમાં દિગ્ગજ કંપની એપલે કહ્યું છે કે તે કોરોના વાયરસ સામે લડવા દિવસ રાત એક કરી સ્વાસ્થ્યકર્મીઓ માટે ફેસ શીલ્ડ(માસ્ક)નું ઉત્પાદન કરી રહી છે. એપલના સીઈઓ ટિમ કુકે ટ્વીટ કરી આની જાણકારી આપી હતી. 

કુકે કહ્યું હતું કે કંપની વિશ્વમાંથી 2 કરોડ માસ્ક ખરીદ્યા છે. તેમણે એમ પણ કહ્યું હતુ કે ‘આ અઠવાડિયાના અંત સુધી 10 લાખ માસ્ક બનાવવાની અમારી યોજના છે. ’ શરુઆતમાં અમે તેનું વિતરણ અમેરિકામાં કરીશું. બહું જલ્દી બીજા દેશોમાં પણ તેનું વિતરણ કરવામાં આવશે.

અત્રે ઉલ્લેખનીય છે કે કોરોના વાયરસનો કહેર 209 દેશોમાં ફેલાઈ ગયો છે. જેને પગલે વિશ્વમાં1,347,844 લોકો કોરોનાના કહેરથી પીડિત છે. જ્યારે 74,792 લોકોએ જીવ ગુમાવી દીધો છે. સદ્દનસીબે 286,469 લોકો કોરોના સામે જીતી ગયા છે એટલે કે સાજા થઈ ચુક્યા છે. જ્યારે હજું પણ 986,583 એક્ટિવ કેસ છે.