પ્લાન / કોરોના વેક્સિનના સપ્લાયને લઈને આવો છે ભારત સરકારનો સમગ્ર પ્લાન, આ દેશોને મળશે પ્રાથમિકતા

• કોરોના વેક્સિનના સપ્લાયને લઈને આવો છે પ્લાન
• બ્રાઝિલ, મોરક્કો, સઉદી અરબ, મ્યાનમાંર, બાંગ્લાદેશ, દક્ષિણ આફ્રિકાએ કરી વેક્સિનની માંગણી
• બાંગ્લાદેશ, ભૂટાન, નેપાળ, શ્રીલંકા અને અફઘાનિસ્તાનને ભારત આપશે પ્રાથમિકતા

 
કોરોના મહામારીની વચ્ચે દુનિયા વેક્સિનની રાહ જોઈ રહી છે. ભારતમાં વેક્સિનના ઉત્પાદન અને આપૂર્તિ માટેની તૈયારીઓ થઈ ચૂકી છે. આ સમયે અનેક દેશો ભારત પાસે આશા રાખી રહ્યા છે. બ્રાઝિલ, મોરક્કો, સઉદી અરબ, મ્યાનમાંર, બાંગ્લાદેશ, દક્ષિણ આફ્રિકા જેવા દેશોએ ભારતની પાસે વેક્સિનની અધિકારીક રીતે માંગણી કરી છે.  
 

ભારત સરકાર આ પડોશી દેશોને આપશે પ્રાથમિકતા

સૂત્રોનું કહેવું છે કે કોરોના વેક્સિનના વિતરણમાં ભારત સરકાર બાંગ્લાદેશ, ભૂટાન, નેપાળ, શ્રીલંકા અને અફઘાનિસ્તાન જેવા પડોશી દેશોને પ્રાથમિકતા આપશે. આ બાબતે વિદેશ મંત્રાલયના પ્રવક્તા અનુસાર શ્રીવાસ્તવ કહે છે કે ભારત શરૂઆતથી જ કોરોના મહામારીની વિરુધ્ધમાં વૈશ્વિક પ્રતિક્રિયામાં સૌથી આગળ ચાલી રહ્યું છે. આપણે આ દિશામાં સહયોગ કરવાને આપણું કર્તવ્ય ગણીને ચાલવું જોઈએ. 
 
પીએમ મોદીએ શનિવારે ભારતનું ચિત્ર કર્યું સ્પષ્ટ

કોરોના વેક્સિનને લીને ચર્ચા ચાલી રહી છે ત્યારે પીએમ મોદીએ શનિવારે ભારતની ભૂમિકા સ્પષ્ટ કરી છે. તેઓએ કહ્યું છે કે ભારતમાં 2 વેક્સિન કોવિશિલ્ડ અને કોવેક્સીનના ઈમરજન્સી યૂઝની મંજૂરી અપાઈ છે. પીએમ મોદીએ કહ્યું કે પહેલા ભારત બહારથી પીપીઈ કિટ, માસ્ક, વેન્ટિલેટર અને ટેસ્ટિંગ કિટ આયાત કરતું હતું પણ આજે રાષ્ટ્ર આત્મનિર્ભર છે. અનેક દેશોએ ભારતને અનુરોધ કર્યો છે કે તેઓ ગર્વમેન્ટથી ગર્વમેન્ટના આધારે વેક્સિનના ડેવલપર્સની સાથે આદેશ આપે જે ભારતમાં વેક્સિનનું નિર્માણ કરી  રહ્યા છે.  

મળતી માહિતી અનુસાર નેપાળે ભારત પાસે 12 મિલિયન કોરોના વેક્સીન ડોઝની માંગણી કરી છે. જ્યારે ભૂટાનના પૂનાના સીરમ ઈન્સ્ટિટ્યૂટ ઓફ ઈન્ડિયામાં બનેલી વેક્સિનના 1 મિલિયન ડોઝની માંગણી કરાઈ છે, મ્યાનમારે સીરમની સાથે એક કોન્ટ્રાક્ટ પર સાઈન પણ કર્યા છે. બાંગ્લાદેશે કોવિશીલ્ડના 30 મિલિયન ડોઝ માટે વાત કરી છે. ઉલ્લેખનીય છે કે ફક્ત એશિયાઈ દેશો જ નહીં પણ અનેક દેશોએ ભારતમાં કોરોનાની વેક્સિન માટે સંપર્ક કર્યો છે.