ભારતની રસી દુનિયામાં સૌથી સસ્તી છે. જ્યારે ચીનની રસી દુનિયામાં સૌથી મોંઘી છે.
ભારતની રસી દુનિયામાં સૌથી સસ્તી છે
ચીનની રસી દુનિયામાં સૌથી મોંઘી
અનેક દેશો ભારત પર એક આશાની નજરે જોઈ રહ્યા છે
તમામ દેશોનો પ્રયાસ દરેક નાગરિકને કોરોનાની રસી મળે
કોરોના મહામારી પર પ્રહાર કરવા માટે દુનિયાના અનેક દેશોએ રસી બનાવી છે. જેમાં ભારત પણ સામેલ છે. ત્યારે તમામ દેશોનો પ્રયાસ છે કે તેમના દરેક નાગરિકને કોરોનાની રસી મળે. જેથી આ મહામારીને ફેલતા રોકી શકાય. પરંતુ કેટલીક કંપનીઓની રસી એટલી મોંઘી છે કે દરેક સુધી આ સરળતાથી નહીં પહોંચી શકે.
ભારતની રસી દુનિયામાં સૌથી સસ્તી છે.
કિંમતની સરખામણીએ રસીને જોઈએ તો આમાં ભારત સૌથી સફળ રહ્યું છે. ભારતની રસી દુનિયામાં સૌથી સસ્તી છે. જ્યારે ચીનની રસી દુનિયામાં સૌથી મોંઘી છે. એટલું જ નહીં ભારતમાં સૌથી ઓછા સમયમાં રસી તૈયાર કરવામાં આવી છે. જ્યારે ચીન જેવા દેશોને પુરો સમય મળ્યો છે.
ચીની રસી ભારત કરતા લગભગ 9 ગણી મોંઘી
જે રીતે ચીન પ્રોડક્ટ્સને ઓછી કિંમતમાં બજારમાં ઉતારી પોતાની પકડ મજબૂત કરી લે છે. તેમ કોરોનાની રસીના મામલામાં નથી થવાનું. કેમ કે દુનિયામાં સૌથી વધારે મોંઘી રસી ચીનની છે. જો ભારતથી ચીન રસીની સરખામણી કરવામાં આવે તો લગભગ 9 ગણી મોંઘી છે.
ભારતમાં પ્રાઈવેટ હોસ્પિટલોમાં રસી લગાવવામાં આવી રહી છે
તેવામાં દુનિયાના તમામ દેશો જે આર્થિક રુપે સંપન્ન નથી તે ભારત પર એક આશાની નજરે જોઈ રહ્યા છે. કેમ કે ભારતમાં તૈયાર બન્ને રસી દુનિયાની સૌથી સસ્તી છે. ભારતની રસી કોવિશિલ્ડ અન કોવેક્સીનની કિંમત 250 રુપિયા પ્રતિ ડોઝ રાખવામાં આવી છે. જેમાં 150 રુપિયા રસીની કિંમત અને 100 રુપિયા સર્વિસ ચાર્જ છે. આ કિંમત પર ભારતમાં પ્રાઈવેટ હોસ્પિટલોમાં રસી લગાવવામાં આવી રહી છે.
જાણો કયા દેશમાં કેટલી કિંમતની છે રસી
હાલમાં દુનિયાના 9 દેશોએ કોરોનાની રસી બનાવવામાં સફળતા મેળવી છે. ચીનની રસી 2200 રુપ્યાની છે. આને ચાઈનીઝ કંપની સાઈનોવેકે બનાવી છે. અમેરિકન રસી (BNT-162)નો પ્રતિ ડોઝ ભારતીય કરન્સીના હિસાબે કિંમત 1400 રુપિયાથી વધારે છે. આને અમેરિકાના ફાઈજર કંપનીએ તૈયાર કરી છે. જ્યારે યુરોપિયન યુનિયન દ્વારા બનાવવામાં આવેલી રસી (mRNA-1273)ના પ્રતિ ડોઝની કિંમત 1300 રુપિયા છે. રશિયાની રસી સ્પૂતનિત-વીના પ્રતિ ડોજની કિંમત 730 રુપિયા છે. જ્યારે સાઉદી અરબ અને સાઉથ આફ્રિકામાં કોવિશિલ્ડ રસીના પ્રતિ ડોઝની કિંમત 390 રુપિયા છે. ત્યારે બ્રાઝિલમાં કોવિશિલ્ડ રસીના એક ડોઝની કિંમત 370 રુપિયા નક્કી કરવામાં આવી છે.