કોરોના વિરુદ્ધની લડાઈમાં ભારત બહું જલ્દી મોટો કીર્તિમાન સ્થાપિત કરવા જઈ રહ્યું છે. ભારત વિશ્વનો બીજો એવો દેશ હશે, જેણે 200 કરોડ ડોઝ આપ્યા હોય.
ભારત નવો કીર્તિમાન સ્થાપિત કરશે
કોરોનાના વેક્સિન ડોઝ આપવામાં અવ્વલ દેશોમાં બીજો નંબર
200 કરોડ ડોઝ આપનારો દેશ બનશે ભારત
દેશમાં કોરોના સામે ચાલી રહેલા જંગમાં વેક્સિન સૌથી મોટુ હથિયાર સાબિત થતું દેખાઈ રહ્યું છે. આ જ કારણ છે કે, પ્રધાનમંત્રી મોદી પણ સમય સમયે લોકોને કોરોના વેક્સિન લગાવવાની અપીલ કરી રહ્યા છે. દેશમાં કોરોના વિરુદ્ધ ચાલી રહેલા લડાઈમાં ભારતે એક કીર્તિમાન સ્થાપિત કર્યો છે. ભારત ટૂંક સમયમાં બીજો એવો દેશ થઈ જશે, જેણે 200 કરોડ વેક્સિનના ડોઝ આપ્યા હોય. ચીન બાદ ભારત દુનિયાનો બીજો દેશ બનશે, જેણે કોરોનાના 200 કરોડથી વધારે ડોઝ આપ્યા હતા. આશા છે કે, ભારત આ ઈતિહાસ શનિવારે (આવતીકાલે) રચી દેશે. 200 કરોડ ડોઝ પુરા થતાં ભારતની 65 ટકા વસ્તી એવી હશે, જેણે બંને ડોઝ લગાવી દીધા હશે. આપને જણાવી દઈએ કે, ચીને અત્યાર સુધીમાં 340 કરોડ વેક્સિનના ડોઝ લગાવી દીધા છે.
આપને જણાવી દઈએ કે, આઝાદીનો અમૃત મહોત્સવ અંતર્ગત કેન્દ્ર સરકાર તરફથી 18 વર્ષથી મોટી ઉંમરના તમામ નાગરિકોને મફત બૂસ્ટર ડોઝ લગાવાનો નિર્ણય કર્યો છે. 15 જૂલાઈથી 75 દિવસ સુધી સતત 18 વર્ષથી વધારે ઉંમરના તમામ નાગરિકોને બૂસ્ટર ડોઝ મફતમાં લગાવામાં આવશે. જૂલાઈ મહિનામાં સરેરાશ દરરોજ 11 લાખથી વધારે વેક્સિન ડોઝ લગાવામાં આવી રહ્યા છે. આ હિસાબે થોડા દિવસમાં ભારત 200 કરોડના આંકડાને ટચ કરી લેશે. અહીં ઉલ્લેખનિય છે કે, 16 જૂલાઈ 2021ના રોજ દેશમાં વેક્સિનેનશની શરૂઆત કરવામાં આવી હતી. પ્રથમ તબક્કામાં સ્વાસ્થ્યકર્મીઓને વેક્સિન લગાવામાં આવી હતી. ત્યાર બાદ ફ્રંટ લાઈન વર્ક્સને કોરોના ડોઝ આપવામા આવ્યા હતા. ત્યાર બાદ 1 મેથી 18 વર્ષથી મોટી ઉંમરના લોકોને વેક્સિનેશનની શરૂઆત કરવામાં આવી હતી.
આપને જણાવી દઈએ કે, અત્યાર સુધીમાં 18થી 59 વર્ષની 77.10 કરોડ વસ્તીમાંથી એક ટકાને જ બૂસ્ટર ડોઝ લાગ્યો છે. જો કે, 60 વર્ષથી મોટી ઉંમરના 16.80 કરોડ લોકો અને સ્વાસ્થ્ય કર્મીઓને 25.84 ટકા લોકોએ બૂસ્ટર ડોઝ લગાવી લીધો છએ. ભારતની મોટી ભાગની વસ્તીએ નવા મહિના પહેલા બીજો ડોઝ લગાવી દીધો હતો. આઈસીએમઆર અને અન્ય આંતરરાષ્ટ્રીય અનુસંધાન સંસ્થાઓમાં કરવામાં આવેલા સંશોધનો અનુસાર રસીના બે શરૂઆતી ડોઝ લીધા બાદ લગભગ છ મહિનામાં એન્ટીબોડીનું સ્તર ઓછુ થવા લાગે છે અને બૂસ્ટર ડોઝ લેવાથી રોગ પ્રતિકારક શક્તિ વધે છે.