ચીનમાં લોકો કોરોના વાયરસના કારણે લાગેલા લોકડાઉનથી ડરેલા છે, જેના કારણે કેટલાય એવા વીડિયો આવી રહ્યા છે, જે હકીકતમાં ડરામણા હોય છે.
ચીનમાં કોરોનાના કહેર
શાંઘાઈમાં એક મહિનાથી છે લોકડાઉન
ચીનમાંથી આવ્યો ભયાનક વીડિયો
ચીનમાં લોકો કોરોના વાયરસના કારણે લાગેલા લોકડાઉનથી ડરેલા છે, જેના કારણે કેટલાય એવા વીડિયો આવી રહ્યા છે, જે હકીકતમાં ડરામણા હોય છે. ટ્વિટર પર આવો જ એક વીડિયો સામે આવી રહ્યો છે. જેમાં એક મહિલાનો જબરદસ્તી કોવિડ ટેસ્ટ કરવામાં આવી રહ્યો છે.
બળજબરીપૂર્વક કરવામાં આવી રહ્યો છે ટેસ્ટ
વીડિયોની શરૂઆતમાં મહિલા એક ટેસ્ટિંગ સેન્ટર પર ફર્શ પર સુવડાવી દેવામાં આવે છે, જેના પર એક પુરુષ છે. તે બૂમો પાડી રહી છે અને જબરદસ્તી ટેસ્ટનો વિરોધ કરવાની કોશિશ કરી રહી છે, પણ તે પુરુષ તેના હાથથી એવી રીતે મજબૂતી સાથે પકડી રાખે છે. તે પોતાની ઘૂંટણની નીચે દબાવી દે છે. ત્યાર બાદ તે બળજબરીથી મહિલાનું મો ખોલી એક સ્વાસ્થ્યકર્મી તેનો કોવિડ ટેસ્ટ કરી છે. જો કે, હાલમાં તેનો એક વીડિયો વાયરલ થઈ રહ્યો છે. પણ આ વીડિયોની વીટીવી ગુજરાતી પુષ્ટિ કરતું નથી.
આ વીડિયોને પહેલા ચીનના ટ્વિટર કક્ષા એવા વીબો પર પોસ્ટ કરવામાં આવ્યો હતો અને બાદમાં અન્ય પ્લેટફોર્મ પર પણ સર્કુલેટ થવાનું શરૂ થયું હતું. જો કે, આ વીડિયો ચીનની કઈ જગ્યાનો છે, તે જાણવા મળ્યું નથી, પણ આ વીડિયો એવા સમયે આવ્યો છે, જ્યારે શાંઘાઈ એક મહિનાથી પણ વધારેના સમયથી લોકડાઉનમાંથી પસાર થઈ રહ્યા છે.
શાંઘાઈમાં લોકડાઉન યથાવત
આ તમામની વચ્ચે શાંઘાઈમાં પ્રતિબંધો ચાલુ જ છે. એક મહિનાથી પણ વધારેનો સમય વિત્યા બાદ મુખ્ય ભૂમિ ચીનના સૌથી મોટા શહેર અને તેના નાણાકીય કેન્દ્રમાં મોટા ભાગના લોકો પોતાના ઘરોમાં પુરાયેલા છે. જ્યાં કોઈને પણ બહાર નિકળવાની પરમિશન નથી.