કર્ણાટકની રાજધાની બેંગાલુરુમાં એક એપાર્ટમેન્ટ કોમ્પ્લેક્ક્ષમાં કોરોના વિસ્ફોટ થયો છે અને અહીં રહેવા વાળા 103 લોકોના કોવિદ રિપોર્ટ પોઝિટિવ આવ્યા છે.
બેંગાલુરુમાં એકીસાથે 103 લોકો સંક્રમિત
એક એપાર્ટમેન્ટમાં પાર્ટીમાં સામેલ થયા હતા 500 જેટલા લોકો
10 ફેબ્રુઆરીના રોજ પહેલો કેસ સામે આવ્યો હતો
માહિતી પ્રમાણે કર્ણાટકની રાજધાની બેંગાલુરુમાં એસએનએન રાજ લેકવ્યુ એપાર્ટમેન્ટમાં 6 ફેબ્રુઆરીના રોજ એક પાર્ટીનું આયોજન કરવામાં આવ્યું હતું, જેના પછી આ એપાર્ટમેન્ટમાં ટેસ્ટિંગ કરવામાં આવતા અહીં કોરોના દર્દીઓનો રાફડો ફાટ્યો હતો. એક માહિતી પ્રમાણે અહીં એકીસાથે 103 લોકો કોરોના પોઝિટિવ જાણવા મળ્યા છે, જેમાં ડ્રાઈવર, મેડ અને રસોઇયા પણ સામેલ છે.
આ એપાર્ટમેન્ટમાં એક પાર્ટીમાં 500 જેટલા લોકો એકઠા થયા હતા
એવું માનવામાં આવી રહ્યું છે કે આ પાર્ટીના કારણે જ આટલી મોટી સંખ્યામાં અહીં લોકોમાં કોરોના સંક્ર્મણ ફેલાયુ હોઈ શકે છે. જાણકારી પ્રમાણે અહીં 435 ફ્લેટમાં 1500 લોકો રહે છે અને આ એપાર્ટમેન્ટ કોમ્પલેકસ બીલેકાહલ્લીમાં બોમ્મનહલ્લી ઝોનની સીમામાં સ્થિત છે. વહીવટી અધિકારીઓનું કહેવું છે કે આ એપાર્ટમેન્ટમાં એક પાર્ટીમાં લગભગ 500 જેટલા લોકો એકત્રિત થયા હતા. જો કે અધિકારીઓનું એમ પણ કહેવું છે કે મોટા ભાગના લોકોમાં કોરોનાના કોઈ લક્ષણો જોવા નહોતા મળ્યા, અનેઓ તેમને હોસ્પિટલમાં ભરતી કરવાની પણ કોઈ જરૂર પડી નહોતી.
સ્થાનીય તંત્રના અધિકારીઓ પ્રમાણે 10 ફેબ્રુઆરીના રોજ પહેલો કેસ ત્યારે સામે આવ્યો જ્યારે કે એક વ્યક્તિમાં કોરોનાના લક્ષણો દ્દેખાયા અને તેનો કોવિડ ટેસ્ટ કરવામાં આવ્યો, આ જાણકારી બેંગાલુરુ મહાનગરપાલિકાએ આપી હતી.
કોરોના સંક્રમિત થનારામાં મોટા ભાગના લોકો યુવાન છે
પોઝિટિવ આવનારા ઘણા લોકોમાંથી મોટા ભાગના લોકો યુવાન છે અને હવે ક્વોરન્ટીનમાં છે. બેંગાલુરુ મહાનગરપાલિકાએ આ આખા કોમ્પ્લેક્સને સેનેટાઈઝ કરવાની કામગીરી હાથ ધરી હતી, રવિવારના રોજ 513, સોમવારે 600થી વધુ અને મંગળવારે 300 જેટલા અહીં રહેતા લોકોનો કોવિડ ટેસ્ટ કરવામાં આવ્યો હતો.
મહત્વનું છે કે આ બેંગાલુરુ મહાનગરપાલિકા દ્વારા આ એપાર્ટમેન્ટનાકે લોકોને કોરોના પ્રોટોકોલની જાણકારી આપી હતી, પરંતુ આ તંત્રમાં ત્યારે હડકમ્પ મચી ગયો કે જ્યારે અહીં એકીસાથે 28 લોકોનો ટેસ્ટ પોઝિટિવ આવ્યો હતો, બીબીએમસી કમિશનર મંજુનાથ પ્રસાદે જણાવ્યું હતું કે શનિવારે અને રવિવારે ટેસ્ટ કરવામાં આવ્યા હતા, અને હજુ આગળ પણ આ ટેસ્ટિંગ ચાલુ રાખવામાં આવશે.