દેશમાં કોરોનાની સંખ્યામાં વધારો થયો છે ત્યારે માયાનગરી મુંબઈમાં પણ કોરોના મોરચે એક માઠા સમાચાર આવ્યાં છે.
દેશમાં મંથર ગતિએ વધી રહ્યાં છે કોરોના કેસ
મુંબઈમાં કોરોનાના મે મહિનાના આંકડા ખૂબ ચિંતાજનક
હોસ્પિટલમાં દાખલ થનાર દર્દીઓની સંખ્યામાં 231 ટકાનો વધારો
માયાનગરી મુંબઈમાં કોરોનાના કેસોમાં વધારો આવી રહ્યો છે અને તેને કારણે હોસ્પિટલો દર્દીઓ ભરાઈ રહી છે. મે મહિનામાં મુંબઈમાં હોસ્પિટલાઈઝેશનમાં 231 ટકાનો વધારો થતા ચિંતા વ્યાપી છે. જો આવી સ્થિતિ ચાલુ રહી તો તે ગંભીર સ્થિતિ ઊભી કરી શકે છે. એપ્રિલની સરખામણીએ મે મહિનામાં કોવિડને કારણે હોસ્પિટલમાં દાખલ થનારામાં 231 ટકાનો વધારો થયો છે. સોમવાર સુધીમાં, શહેરમાં 215 હોસ્પિટલોમાં દાખલ થયા હતા, જે એપ્રિલમાં 65 હતા.
ખાનગી હોસ્પિટલોમાં કોરોના દર્દીઓ માટે બેડની વ્યવસ્થા
તાજેતરના ઉછાળાને કારણે ખાનગી હોસ્પિટલો પણ કોરોના દર્દીઓ માટે બેડની વ્યવસ્થા કરી રહી છે.
60 વર્ષથી વધારે ઉંમરવાળા લોકોથી ભરાઈ રહી છે હોસ્પિટલો
જોકે રાહતની વાત એ છે કે હોસ્પિટલોમાં દાખલ થનાર લોકોમાં સૌથી વધારે 60 વર્ષ અથવા કોમોર્બિડિટીઝ ધરાવતા લોકો છે. 10 દર્દીઓમાંથી આઠ દર્દીઓની ઉંમર 60થી વધુ છે અને તેમની પાસે બેથી વધુ કોમોર્બિડિટીઝ છે.
ભારતમાં વધી રહ્યાં છે કોરોના કેસ
ઉલ્લેખનીય છે કે ભારતમાં ધીરે ગતિએ કોરોના કેસમાં વધારો થઈ રહ્યો છે. તમિલનાડુ અને મહારાષ્ટ્રમાં ઓમિક્રોનના પેટા વેરિયન્ટના પણ કેસ નોંધાઈ ચૂક્યા છે.