લૉકડાઉન / લ્યો બોલો! કોરોના સંકટ વચ્ચે વડોદરાની હોસ્પિટલમાં ટેસ્ટિંગ લેબનું 50 લોકોના ટાળાએ ભેગા થઇને કર્યું ઉદ્ધાટન

• વડોદરામાં અધિકારીઓમાં જાગૃતતાનો અભાવ 
• OSD અને મ્યુનિ. કમિશનરે જ સોશીયલ ડિસ્ટન્સનું ન કર્યું પાલન
• હોસ્પિટલ સ્ટાફ પણ સોશિયલ ડિસ્ટન્સ રાખવાનું ભૂલ્યા

કોરોનાની મહામારીનું સંકટ અને સમગ્ર દેશમાં લોકડાઉન છતાં વડોદરાના કોવિડ હોસ્પિટલની આ ઘટના શરમજનક. કેન્દ્ર સરકારે વડોદરામાં કોરોનાની ટેસ્ટીંગ લેબની મંજુરી આપતાં વહીવટી વિભાગે લેબમાં દર્દીઓના સેમ્પલના ટેસ્ટીંગ પહેલાં ઉદ્ધાટન સમારોહનું આયોજન કરી નાખ્યું. અઘુરામાં પુરૂ સચિવ વિનોદ રાવ અને મ્યુનિ. કમિશનર નલિન ઉપાધ્યાય સહિત 50 આરોગ્ય કર્મીઓનું ટોળું ભેગું થયું. બધાને સોશિયલ ડિસ્ટન્સિંગની અમલવારીથી જ કોરોનાથી બચી શકાશે એવી સલાહ આપતાં ઉચ્ચ અધિકારીઓએ જ સોશિયલ ડિસ્ટન્સિંગના લીરેલીરા ઉડાડ્યા.

સોશિયલ ડિસ્ટન્સિંગની ડાહી ડાહી સલાહ આપનાર આરોગ્ય અધિકારીઓ અને વહીવટી અધિકારીઓના 50 લોકોના ટોળાએ કોરોનાની મહામારી વચ્ચે લેબ ઉદ્ધાન સમારોહ યોજ્યો. વડોદરા જિલ્લામાં કોરોના પોઝિટિવ કેસની સંખ્યા 700 એ પહોંચી ગઈ છે ને અધિકારીઓને લોકડાઉ વચ્ચે ઉદ્ધાટન કરવાનું સુઝે છે.  ઉપરાંત અમુક આરોગ્ય અધિકારીઓએ તો માસ્ક પણ નથી પહેર્યા. 

વડોદરામાં આવેલી ગોત્રી કોવિડ હોસ્પિટલની આ ઘટનાએ વહીવટી તંત્ર અને પોલીસ તંત્રમાં ચર્ચા ઉભી કરી છે. પોલી બેડમાં તો એવી પણ ચર્ચા થઈ છે કે શું સચિવ સાહેબ અને મ્યુનિ. કમિશનર સામે સોશિયલ ડિસ્ટન્સિંગના પાલનના અભાવ સંદર્ભે જાહેરનામાં ભંગનો ગુનો નોંધાશે. જો રસ્તા પર ભુલથી સોશિયલ ડિસ્ટન્સિંગનો અભાવ થાય તો સામાન્ય લોકો સામે સીધો ગુનો નોંધતી પોલીસ આ ઘટનમાં શું કરશે.