કોરોના કેસ / દેશમાં ત્રીજી લહેરનાં વળતાં પાણી, એક મહિના બાદ નોંધાયા એક લાખથી પણ ઓછા કેસ

• દેશમાં કોરોનાનાં કેસમાં મોટો ઘટાડો 
• એક લાખથી નીચે આવ્યા દૈનિક કેસ 
• પોઝિટીવીટી રેટ પણ ઘટ્યો 

કોરોના સંક્રમણની સ્પીડને બ્રેક લાગી 

દેશમાં હવે કોરોના સંક્રમણની ઝડપ ઘટી ગઈ છે. લગભગ એક મહિના પછી પહેલીવાર આજે કોરોનાના નવા કેસ એક લાખથી ઓછા આવ્યા છે. છેલ્લા 24 કલાકમાં દેશમાં કોરોનાના 83 હજાર 876 નવા કેસ સામે આવ્યા છે, જો કે આ દરમિયાન 895 લોકોના મોત પણ થયા છે.

પોઝિટીવીટી રેટ પણ ઘટ્યો 

જ્યારે છેલ્લા 24 કલાકમાં 1 લાખ 99 હજાર 54 લોકો સાજા થયા છે. આ સાથે, કોરોનાનો પોઝિટીવીટી રેટ પણ ઘટ્યો છે અને  હવે ઘટીને 7.25 ટકા પર આવી ગયો છે.

કોરોનાના નવા કેસ સામે આવ્યા બાદ હવે દેશમાં કુલ સક્રિય દર્દીઓની સંખ્યા વધીને 11 લાખ 8 હજાર 938 થઈ ગઈ છે, જ્યારે આ મહામારીને કારણે દેશમાં અત્યાર સુધીમાં કુલ 5 લાખ 2 હજાર 874 લોકોએ પોતાનો જીવ ગુમાવ્યો છે. . એક તરફ જ્યાં કોરોનાના નવા કેસોમાં ઘટાડો જોવા મળી રહ્યો છે તો બીજી તરફ અત્યાર સુધીમાં 169 કરોડનું રસીકરણ કરવામાં આવ્યું છે.