સિલસિલો યથાવત / દેશમાં કોરોનાની ગતિ બેકાબૂ, ગઈકાલ કરતાં કેસ ઘટયા પણ મૃત્યુઆંક ડબલ

• દેશમાં કોરોનાની સ્થિતિ બેકાબૂ 
• ગઇકાલ કરતાં કેસ ઘટયા
• ફરી દોઢ લાખ કરતાં વધારે કેસ નોંધાયા 

દેશમાં કોરોનાની સ્થિતિ બેકાબૂ થતી જાય છે. અને કેસ વધવાની ગતિ અટકવાનું નામ નથી લઈ રહી. જો કે ગઈકાલની સરખામણીમાં આજે કોરોનાના નવા કેસોમાં ઘટાડો જોવા મળ્યો છે.

ફરી દોઢ લાખ કેસ નોંધાયા 

દેશમાં છેલ્લા 24 કલાકમાં 1 લાખ 68 હજાર 63 નવા કેસ નોંધાયા છે જ્યારે 277 લોકોના મોત થયા છે. ગઈકાલની સરખામણીમાં આજે કોરોનાના નવા કેસોમાં 6.4 ટકાનો ઘટાડો નોંધાયો છે. સોમવારે 1 લાખ 79 હજાર નવા કેસ નોંધાયા હતા.

COVID-19 | India reports 1,68,063 fresh cases, 69,959 recoveries & 277 deaths in the last 24 hours

Active case tally reaches 8,21,446. Daily positivity rate (10.64%)

Omicron case tally at 4,461 pic.twitter.com/ikKRh2Xh6G

— ANI (@ANI) January 11, 2022

70 હજાર લોકો સાજા થાય 

આ નવા કેસના આવ્યા બાદ દેશમાં કોરોના સંક્રમિતના કુલ કેસ વધીને 3 કરોડ 58 લાખ 75 હજાર 790 થઈ ગયા છે. જો કે, આ સમયગાળા દરમિયાન 69,959 લોકો કોરોનાથી સાજા થયા છે. જ્યારે અત્યાર સુધીમાં કોરોનાનાં કારણે કુલ 4 લાખ 84 હજાર 213 લોકોએ જીવ ગુમાવ્યા છે.

કેવા છે આજના કોરોનાનાં આંકડા?

દેશમાં કોવિડ-19થી અત્યાર સુધીમાં 3 કરોડ 45 લાખ 70 હજાર 131 લોકો સાજા થયા છે. દેશમાં કોવિડ-19થી અત્યાર સુધીમાં 3 કરોડ 45 લાખ 70 હજાર 131 લોકો સાજા થયા છે. જ્યારે ઓમિક્રોનના વધતા ખતરા બાદ હવે સક્રિય દર્દીઓની સંખ્યા વધીને 8 લાખ 21 હજાર 446 થઈ ગઈ છે. સોમવારે ભારતમાં કોરોના વાયરસ માટે 15,79,928 સેમ્પલ ટેસ્ટ કરવામાં આવ્યા હતા. ગઈકાલ સુધીમાં કુલ 69 કરોડ 31 લાખ 55 હજાર 280 સેમ્પલ ટેસ્ટ કરવામાં આવ્યા છે.