નવા વર્ષમાં ભારતમાં કોરોના વાયરસ મામલે સૌથી સારા સમાચાર સામે આવી રહ્યા છે જેમાં ડિસેમ્બર મહિનામાં છેલ્લા છ મહિનામાં સૌથી ઓછા કેસ નોંધાયા છે.
નવા વર્ષમાં કોરોના વાયરસ મામલે સૌથી સારા સમાચાર
ભારતમાં કોરોનાનો થઈ રહ્યો છે ખાત્મો
છેલ્લા છ મહિનામાં નોંધાયા સૌથી ઓછા કેસ
ભારતમાં કોરોના પડી રહ્યો નબળો
ભારતમાં કોરોના વાયરસનો ગ્રાફ ખૂબ તેજીથી નીચે જઈ રહ્યો છે અને કોરોના વાયરસના આંકડા અનુસાર નવા વર્ષ પર કોરોના વાયરસ દમ તોડી રહ્યો છે. ડિસેમ્બર મહિનામાં છ મહિનાની સરખામણીમાં ખૂબ ઓછા કેસ સામે આવ્યા છે અને મોત મમાલે પણ મે મહિના બાદ ડિસેમ્બર મહિનામાં સૌથી ઓછી મોત થઈ છે.
જૂન 2020 બાદ પ્રથમવાર ડિસેમ્બરમાં કોરોનાના 10 લાખથી ઓછા કેસ
જૂન મહિના બાદ પહેલીવાર એવું થયું છે કે દેશમાં કોરોના વાયરસના કેસ દસ લાખથી નીચે ગયા છે. ડિસેમ્બર મહિનામાં નવેમ્બરની તુલનામાં 35 ટકા ઓછા કેસ સામે આવ્યા છે અને નવા વર્ષ પર પણ રાહતના સમાચાર આવ્યા છે.
મે 2020 બાદ ડિસેમ્બરમાં પ્રથમ કોરોનાથી સૌથી ઓછા મૃત્યુ
દેશમાં કોરોના વાયરસના નવા કેસના આંકડાઓ પર નજર કરી તો દેશમાં સરેરાશ દર્દીઓની સંખ્યા નવેમ્બરના અંતમાં 40,868 હતી જે એક જ મહિના બાદ ડિસેમ્બરમાં ઘટીને 20,507 થઈ ગઈ છે. એટલે કે એક મહિનામાં કોરોના વાયરસના નવા કેસ અડધા થઈ ગયા છે.
દેશમાં નવા સ્ટ્રેનનો ખતરો યથાવત
જોકે સામે કોરોના વાયરસના નવા પ્રકારથી ખૌફ વધી રહયો છે. ભારતમાં અત્યાર સુધી 25 એવા કેસ સામે આવ્યા છે જેમાં યુકેના કોરોના વાયરસના સ્ટ્રેન મળ્યા હોય. આ વાયરસનો સ્ટ્રેન જો ભારતમાં વધે તો ફરીથી મહામારી વધવાનો ખતરો છે.