કોરોના વાયરસ / ભારતમાં આખરે કેમ આટલી સ્પીડથી ફેલાઈ રહ્યો છે કોરોના? એક્સપર્ટે જણાવ્યા આ 4 કારણો

• બધાએ ભેગા થઈ કોરોના પ્રોટોકોલને નેવે મુકી દીધા હતા
•  નવા ડબલ મ્યૂટેશનના કારણે સતત કેસ વધી રહ્યા છે
• ખતમ થઈ રહી છે એન્ટીબોડીઝ

કોરોનાની બીજી લહેર કહેર વર્તાવી રહી છે. મનાઈ રહ્યુ છે કે એપ્રિલ પુરો થતા થતાં કોરોના દેશભરમાં પીક પર પહોંચી જશે. આખરે શું કારણ છે કે સ્પીડ સતત વધી રહી છે. જાણો શુ કહે છે એક્સપર્ટ? આવો એક નજર કરીએ એ ચાર કારણો પર જેના કારણે કોરોના પર નિયંત્રણ લાવવું મુશ્કેલ થઈ ગયું છે.

1. કોરોનાના અલગ અલગ વેરિએન્ટ

આ વખતે 2 પ્રકારના વાયરસ લોકોને હેરાન કરી રહ્યા છે. એક દેશી અને ઘણા બધા વિદેશી. અત્યાર સુધીમાં બ્રિટન, દક્ષિણ આફ્રિકા અને ન્યૂયોર્કમાં મળેલા વેરિએન્ટ ભારતમાં મળ્યા છે. માર્ચના અંત સુધીમાં નેશનલ સેન્ટર ફોર ડિસીઝ કન્ટ્રોલએ એક નવા વેરિએન્ટ ડબલ મ્યૂટેશનની જાણકારી આપી હતી. મહારાષ્ટ્ર, દિલ્હી અને પંજાબમાં તે મળી આવ્યા હતા. વાયરોલોજિસ્ટ શાહિદ જમિલે ન્યૂઝ એજન્સી પીટીઆઈને જણાવ્યું કે નવા ડબલ મ્યૂટેશનના કારણે સતત કેસ વધી રહ્યા છે. તેમના મુજબ 15-20 ટકા કેસ નવા વેરિએન્ટના છે. બ્રિટનનો નવો વેરિએન્ટ બીજાની સરખામણીએ 50 ટકા ઝડપથી ફેલાઈ રહ્યો છે.

2. કોરોના પ્રોટોકોલ ન માનવો

આ વર્ષે જાન્યુઆરીમાં કોરોનાની સ્પીડ અટક્યા બાદ લોકો બેદરકાર થઈ ગયા હતા. સરકાર અને લોકોએ કોરોના પ્રોટોકોલને નેવે મુકી દીધા હતા. જમિલે જણાવ્યું કે ભારતમાં બધુ જ ખુલ્લુ છે જેના ચાલતા ઘણા હદે કેસ વધ્યા છે.  જોકે રાજ્ય સરકારો ધીમે ધીમે અનેક ચીજો પર પ્રતિબંધ લગાવી રહી છે.

3. રસીકરણની સ્પીડ

દેશભરમાં જાન્યુઆરીના બીજા અઠવાડિયાથી રસીકરણની શરુઆત કરવામાં આવી હતી. પરંતુ લોકો રસી લેતા ખચકાય છે. જમિલે કહ્યુ હેલ્થ વર્ક્સ પણ રસી લગાવવાથી ખચકાય રહ્યા છે. આ ઉપરાંત માર્ચમાં જ્યારે 60 વર્ષથી વધારે ઉંમરના લોકો રસીકરણ અભિયાન શરુ થયુ ત્યારે લોકો રસીકરણ સેન્ટર નહોંતા આવી રહ્યા. અત્યાર સુધી ફક્ત 7 ટકા લોકોને રસીના ડોઝ લાગ્યા છે. જ્યારે ફક્ત 5 ટકા લોકોને પહેલો ડોઝ લાગ્યો છે. એટલે આની અસર સંક્રમણ પર વધારે પડી શકી નથી.

4. ખતમ થઈ રહી છે એન્ટીબોડીઝ

આ ઉપરાંત ઈન્સ્ટીટ્યૂટ ઓફ જીનોમિક્સ એન્ડ એન્ટીગ્રેટિવ બાયોલોજીના એક હાલના અધ્યયનમાં કહેવામાં આવ્યું છ કે કોરોના સંક્રમિત 20 થી 30 ટકા લોકોમાં 6 મહિના બાદ એન્ટીબોડીસ ખતમ થઈ ગઈ છે. એ જ કારણ છે કે કોરોનાનું ફરી સંક્રમણ થઈ રહ્યું છે. આઈઆઈટી કાનપુરના વૈજ્ઞાનિકો અનુસાર કોરોનાની બીજી લહેર એપ્રિલના મધ્ય સુધી પીક પર આવી શકે છે.