એલર્ટ / જો તમને આ તકલીફ થતી હોય તો પણ તમે હોઈ શકો છો કોરોના સંક્રમિત, WHOએ ગણાવ્યું ગંભીર લક્ષણ

• WHOએ આપી ચેતવણી
• બોલવામાં તકલીફ એ કોરોનાનું ગંભીર લક્ષણ
• આ છે કોરોનાનું નવું અને ગંભીર લક્ષણ

WHOએ કોરોનાના આ નવા લક્ષણથી દુનિયાને ચેતવણી આપી છે. WHOના વિશેષજ્ઞોનું કહેવું છે કે બોલવામાં તકલીફ એ કોરોનાનું ગંભીર લક્ષણ છે. હાલ સુધી ડોક્ટર્સ કફ અને તાવને મુખ્ય લક્ષણ ગણાવતા હતા. પરંતુ હવે બોલવામાં તકલીફ થવી એ પણ કોરોનાનું ગંભીર લક્ષણ હોવાનું સામે આવ્યું છે. બોલવાની સાથે ચાલવામાં પણ તકલીફ થવા લાગે તો તરત જ દર્દીને ડોક્ટર પાસે લઈ જવો. 

કોરોના વાયરસના આ છે ગંભીર લક્ષણ

WHOએ કહ્યું કે કોરોના વાયરસથી પ્રભાવિત લોકોને શ્વાસ લેવામાં તકલીફ થઈ શકે છે અને સાથે તેઓ કોઈ સારવાર વિના જ સાજા પણ થઈ શકે છે. ગંભીર લક્ષણોમાં શ્વાસ લેવામાં તકલીફ થવી અને છાતીમાં થોડું દબાણ અનુભવાવાનું, બોલવાનું બંધ થવું કે પછી ચાલવામાં તકલીફ પણ ગંભીર લક્ષણ છે. 
 
હેલ્પલાઈન નંબરની મદદ લેવી જરૂરી

જો કોઈ દર્દીને આવી ગંભીર તકલીફ છે તો તરત જ તેને ડોક્ટરની પાસે લઈ જવા એ સમજદારી છે. આ સિવાય તમે એકવાર હેલ્પલાઈન નંબર પર ફોન કરીને જાણકારી પણ મેળવી શકો છો. હમેશા આ તકલીફ કોરોનાનું લક્ષણ હોય જ એ જરૂરી પણ નથી તેવું પણ WHOએ જણાવ્યું છે. અનેક વાર અન્ય કારણોના લીધે પણ બોલવામાં તકલીફ થાય તે શક્ય છે. કોરોના વાયરસનું એક અન્ય લક્ષણ મનોવિકૃતિ પણ છે. 

મેલબર્નની લા ટ્રોબે યુનિવર્સિટીએ ચેતવણી આપી છે કે કોરોના વાયરસને કારણે અનેક દર્દીઓમાં મનોરોગ વધી રહ્યો છે. ડોક્ટરના જણાવ્યા અનુસાર કોરોના વાયરસ દરેકને માટે ચિંતાજનક છે. આ સંક્રમણ આઈસોલેશનના સમયમાં વધી શકે છે. મર્સ અને સાર્સ વાયરસની અસર પણ માનસિક સ્થિતિ પર શું થઈ હતી તેની તપાસ કરવામાં આવી રહી છે. 

કોરોનાથી 3 લાખથી વધુ લોકોના થયા મોત

કોરોના વાયરસથી દુનિયાભરમાં 46 લાખ 60 હજારથી વધુ લોકો કોરોનાની ઝપેટમાં આવ્યા છે. તેનાથી 3 લાખ 10 હજાર લોકોના મોત થયા છે. આ સાથે જ 17 લાખ 77 હજારથી પણ વધારે લોકો સારવારથી સાજા થયા છે. અમેરિકા સૌથી વધુ પ્રભાવિચ છે. અહીં 88 હજાર 500થી વધારે લોકોએ જીવ ખોવ્યો છે. રશિયામં કોરોનાના દર્દીની સંખ્યા 2 લાખ 72 હજારથી વધુ પહોંચી છે.