કોરોના વાયરસની મહામારીને પગલે વિશ્વ સ્વાસ્થ્ય સંગઠને ચેતવણી આપી છે કે કોરોના વાયરસનું હવે પછીનું કેન્દ્ર બિન્દૂ અમેરિકા હોઇ શકે છે. વિશ્વ સ્વાસ્થ્ય સંગઠન (WHO) નું આ નિવેદન ભારતના લૉકડાઉનના એલાન બાદ આવ્યું છે.
કોરોના વાયરસની મહામારીને પગલે વિશ્વ સ્વાસ્થ્ય સંગઠને ચેતવણી આપી
અમેરિકામાં કોવિડ-19 મહામારીના કેસની સંખ્યા યૂરોપથી વધી શકે છે
આ જાણકારી રૉયટર્સ દ્વારા સામે આવી છે. જ્યારે રિપોર્ટ્સ મુજબ અમેરિકામાં કોરોના વાયરસ સંક્રમણના કેસ ઝડપથી વધ્યા બાદ વિશ્વ સ્વાસ્થ્ય સંગઠને મંગળવારે કહ્યું કે અમેરિકામાં કોવિડ-19 મહામારીના કેસની સંખ્યા યૂરોપથી વધી શકે છે. એએફપીએ પોતાની રિપોર્ટમાં જણાવ્યું કે ડબલ્યૂએચઓની પ્રવક્તા મારગ્રેટ હેરિસે પત્રકારો સાથે વાતચીતમાં કહ્યું કે તેમની પાસે એક જ રાત્રીમાં 85 ટકા નવા કેસ યૂરોપ અને અમેરિકાથી આવ્યા છે.
ડબલ્યૂએચઓની દૈનિક રિપોર્ટ અનુસાર ગત 24 કલાકમાં જ યૂરોપમાં 20,131 નવા કેસ નોંધાયા, જ્યારે અમેરિકામાં 16,354 કેસ નોંધાયા છે. જ્યારે હેરિસને પૂછવામાં આવ્યું કે શું અમેરિકામાં સક્રમણના કેસની સંખ્યા યૂરોપની તુલનામાં વધારે થવાની આશંકા છે, ત્યારે તેઓએ કહ્યું કે, અમે અમેરિકામાં સામે આવી રહેલા કેસની સંખ્યામાં ખુબ જ તેજી જોઇ રહ્યા છે ત્યારે આમ બનવાની પૂર્ણ આશંકા છે.
અમેરિકામાં કોરોના વાયરસના એક દિવસમાં લગભગ 10,000 નવા કેસ સામે આવ્યા છે. જ્યારે 150 લોકોના સંક્રમણથી મોત થાય છે. ત્યારે અમેરિકાના રાષ્ટ્રપ્રમુખ ડોનાલ્ડ ટ્રમ્પે પણ 12 એપ્રિલ એટલે કે ઇસ્ટર સુધી દેશની અર્થવ્યવસ્થાને પાટા પર આવવાની આશા દર્શાવી છે. કોરોના વાયરસની જાણકારી આપતી વર્લ્ડોમીટર અનુસાર, મંગળવારે દેશભરમાં સંક્રમણના લગભગ 10,000 નવા કેસ નોંધાયા, જેથી કુલ કેસનો આંકડો વધીને 54,000 એ પહોંચી ગયો છે. જ્યારે કુલ મૃત્યુની સંખ્યા વધીને 700 પર પહોંચી ગઇ છે.