મહામારી / કોરોનાને જન્મને લઈને સ્ટડીમાં એવી મળી વસ્તુ કે મચ્યો ખળભળાટ, જાણીને ચીન થઈ જશે લાલચોળ

• બ્રિટન અને નોર્વેના વૈજ્ઞાનિકોનો મોટો દાવો
• કોરોના ચીનની વુહાન લેબમાં જ બનાવાયો છે
• વૈજ્ઞાનિકોને કોરોના 'યુનિક ફિંગરપ્રિન્ટ' પણ મળી 
• યુનિક ફિંગરપ્રિન્ટથી વાયરસ સાથે છેડછાડ થઈ હોવાની જાણ થઈ 

ચીનને બેનકાબ કરનાર સનસનીખેજ દાવો, વુહાન લેબમાં જ તૈયાર થયો કોરોના વાયરસ, 'યુનિક ફિંગરપ્રિન્ટ' પણ મળી 

કોરોનાની ઉત્પત્તિ અંગે શંકાના ઘેરામાં આવેલા ચીનનું સત્ય ટૂંક સમયમાં બહાર આવવાનું છે. બ્રિટનના સંશોધકોએ કરેલા નવા સ્ટડીમાં સ્પસ્ટ જણાવાયું છે કે કોરોના વાયરસ ચીનની વુહાન લેબમાં બનાવાયો છે.

કોણે કર્યો આવો ચોંકાવનારો દાવો 
બ્રિટિશ પ્રોફેસર એંગસ ડલ્ગલિશ અને નોર્વના વૈજ્ઞાનિક ડો બિર્ગરે સોરેનસેને સાથે મળીને કરેલા સ્ટડીમાં જણાવ્યું છે કે પ્રાથમિક દ્રષ્ટિએ અમારી પાસે એક વર્ષથી ચીનમાં કોરોના વાયરસ પર રેટ્રો-એન્જિનિયરિંગના પુરાવા છે. સંશોધકોએ સ્પસ્ટ દાવો કર્યો છે કે કોરોના કુદરતી રીતે પેદા થયો નથી પરંતુ વુહાનની લેબમાં ચીની વૈજ્ઞાનિકો દ્વારા તૈયાર કરાયો છે. 

ચીની વૈજ્ઞાનિકોએ વુહાન લેબમાં કોવિડ-19 ને તૈયાર કર્યો

આ બન્ને સંશોધકોએ એવું પણ જણાવ્યું કે ચીની વૈજ્ઞાનિકોએ વુહાન લેબમાં કોવિડ-19 ને તૈયાર કર્યો અને પછી આ વાયરસને રિવર્સ એન્જિનિયરિંગના વર્ઝનથી તેને કવર કરવાની કોશિશ કરી જેનાથી એવું લાગે કે કોરોના વાયરસ ચામાચીડિયામાંથી કુદરતી રીતે પેદા થયો છે. 

વુહાન લેબમાં ડેટા સાથે છેડછાડ
આ સ્ટડીમાં ચીન પર સનસનીખેજ અને ચોંકાવનારા આરોપ પણ લગાડાયા છે. સ્ટડીમાં દાવો કરાયો કે ચીનની વુહાન લેબે જાણીજોઈને પ્રયોગ સાથેના ડેટા નષ્ટ કરી દીધા, અથવા તો છુપાવી દીધા અને તેની સાથે છેડછાડ પણ કરી હતી. તેમાં કહેવાયું કે જે વૈજ્ઞાનિકોએ આ અંગે વાંધો ઉઠાવ્યો, તેમને ચીન દ્વારા ચૂપ કરાવી દેવામાં આવ્યાં અથવા તો તેમને ગાયબ કરી દેવાયા. આ સ્ટડી ટૂંક સમયમાં પ્રસિદ્ધ થવાનું પણ કહેવાઈ રહ્યું છે. 

યુનિક ફિંગરપ્રિન્ટ પણ મળી 
મીડિયા રિપોર્ટ અનુસાર, જ્યારે ગયા વર્ષે ડલ્ગલિશ અને સોરેનસેન વેક્સિન બનાવવા માટે કોરોનાના સેમ્પલોનો સ્ટડી કરી રહ્યાં હતા તે દરમિયાન તેમને વાયરસમાં યુનિક ફિંગરપ્રિન્ટ પણ મળ્યું હતું.આ પછી બન્ને વૈજ્ઞાનિકોએ જણાવ્યું કે લેબમાં વાયરસ સાથે છેડછાડ બાદ જ આવું કરવું સંભવ છે. 

કોરોનાનું મૂળ પકડવું જરુરી-ડોક્ટર એન્થની ફાઉચી

અમેરિકાના સૌથી મોટો મહામારી નિષ્ણાંત ડોક્ટર એન્થની ફાઉચીએ જણાવ્યું કે કોરોના એક કુદરતી બીમારી છે તે વાત ગળે ઉતારવી અઘરી છે. તાજેતરના એક ઈન્ટરવ્યુમાં એન્થની ફાઉચીએ જ્યારે પૂછાયું કે શું તમને ખાતરી છે કે કોરોના વાયરસ કુદરતી રીતે પેદા થયો છે ત્યારે તેમણે જવાબ આપ્યો કે મને આ વાતનો વિશ્વાસ નથી. મને લાગે છે કે આ બાબતની તપાસ થવી જોઈએ કે ચીનમાં એવું તે શું થયું કે જેનાથી કોરોના વાયરસ આવ્યો. 

કોરોના કોઈ પ્રાણીમાંથી માણસમાં ફેલાયો 

ડોક્ટર એન્થની ફાઉચીએ જણાવ્યું કે અત્યાર સુધી જેમણે તપાસ કરી છે તેમના જણાવ્યાનુસાર કોરોના કોઈ પ્રાણીમાંથી ફેલાયો છે અને પછી માણસોમાં ફેલાયો છે. પરંતુ આ બીજું કંઈ પણ હોઈ શકે છે. આપણે આ વાતની તપાસ કરાવવાની જરુર છે જેથી કરીને આપણે વાયરસનું મૂળ પકડી શકીએ. 

તપાસને લઈને ગંભીર છે બાયડન પ્રશાસન

અમેરિકન સિક્યોરિટી કાઉન્સિલના પ્રવક્તાએ વોલ સ્ટ્રીટ જર્નલના આ સમાચાર પર કોઈ ટિપ્પણી નથી કરી પરંતુ તેમણે કહ્યુ કે બાયડન પ્રશાસન કોરોના વાયરસના ઉદ્ગમની તપાસને લઈને ગંભીર છે. આની પહેલા વિશ્વ સ્વાસ્થ્ય સંગઠનની એક ટીમ મહામારી સાથે જોડાયેવલા તથ્યોને શોધવા વુહાન ગઈ હતી.  જો કે બાદમાં ડબ્લ્યૂએચઓએ કહ્યુ હતુ કે આ સાબિત કરવા માટે પૂરતા તથ્યો નથી કે કોરોના વુહાનની લેબમાંથી દુનિયામાં ફેલાયો.