મહામારી / આટલે દૂરથી પણ કોરોના ફેલાઈ શકે છે ? દુનિયાની ટોચની હેલ્થ એજન્સીએ પણ માનવું પડ્યું

• અમેરિકાની ટોચની એજન્સીનો સ્વીકાર
• કોરોના હવાજન્ય વાયરસ
• છ ફૂટ દૂરથી પણ ફેલાઈ શકે છે
• હવામાં લાંબો સમય ટકી શકે છે 

કોરોના હવાજન્ય વાયરસ

અમેરિકી નેશનલ હેલ્થ એજન્સી સેન્ટર ફોર ડિસિઝ કન્ટ્રોલ એન્ડ પ્રિવેન્શને તેની કોરોના પરની સુધારિત ગાઈડલાઈનમાં જણાવ્યું કે કોરોના હવાજન્ય વાયરસ છે એટલે કે તે હવામાંથી લોકોને સંક્રમિત કરી શકે છે. તથા છ ફૂટ કરતા પણ વધારે અંતર સુધી ફેલાઈ શકે છે. 

છ ફૂટથી ઓછા અંતરેથી લોકો સંક્રમિત થઈ શકે છે

સીડીએસની ગાઈડ઼લાઈનમાં એવું પણ જણાવાયું છે કે છ ફૂટ કરતા વધારે દૂરના વાતાવરણમાં શ્વાસ લેવાથી સંક્રમણ થવાની ઓછી સંભાવના રહે છે જોકે છ ફુટથી ઓછા અંતરે સંક્રમણની વધારે સંભાવના રહે છે. કોરોના વાયરસ ચેપગ્રસ્ત શ્વાચ્છોશ્વાસના એક્સપોઝર દ્વારા ફેલાય છે. એજન્સીએ જણાવ્યું કે વાતચીત દરમિયાન લોકો રેસ્પેરેટરી ફ્લુડ રિલિઝ કરે છે જે નજીકના પદાર્થ કે સ્થળો પર ચોટી જાય છે અને હવામાં જ સ્થિર રહે છે. એક બાજુ મોટા ટીંપાઓ ઘડીના છઠ્ઠા ભાગમાં હવામાંથી સરકી જાય છે, પરંતુ કેટલાક નિશ્ચિત અને સારી જાતના ડ્રોપલેટ્સ અને બીજા રજકણો કલાકો સુધી હવામાં રહે છે. 

આ પગલાંથી કોરોનાથી બચી શકાય 

ચેપગ્રસ્ત વાતાવરણથી જેટલું દૂર રહેવાય તેટલું ચેપનું જોખમ ઓછું રહે છે. અમેરિકી એજન્સીએ જણાવ્યું કે ફિઝિકલ ડિસ્ટન્સિંગ, સારી રીતે પહેરેલા માસ્ક, પર્યાપ્ત વેન્ટિલેશન અને ભીડભાડવાળા વિસ્તારથી દૂર રહેવા જેવા કેટલાક પગલાં ભરવાથી કોરોનાથી બચી શકાય છે.