ગુડ ન્યૂઝ / ભારતમાં 3 કોરોના વેક્સીનનું પરીક્ષણ અંતિમ ચરણમાં પહોંચ્યું, વેક્સીનેશનમાં લાગશે 1 વર્ષનો સમય

• કોરોના વાયરસ વેક્સીનને લઈને આવ્યા સારા સમાચાર
• ભારતમાં 3 વેક્સીન ત્રીજા ટ્રાયલમાં પહોંચી
• દેશમાં વેક્સીનેશનમાં લાગશે 1 વર્ષનો સમયઃ એમ્સ ડાયરેક્ટર

ટાસ્ક ફોર્સના પ્રમુખના કહેવા અનુસાર ભારતમાં 3 વેક્સીન ત્રીજા ટ્રાયલમાં છે અને વિદેશોમાં 10 વેક્સીન ત્રીજા ટ્રાયલમાં છે. આ સિવાય ચીનની 5 વેક્સીન 20 દેશોમાં પરીક્ષણ કરી રહી છે અને તેનું પરિણામ પણ પોઝિટિવ છે. 

 દુનિયામાં 154 વેક્સીન પ્રી ક્લિનિકલ ટ્રાયલ ચરણમાં

ગયા અઠવાડિયે ચીની વેક્સીન લેનારા સંયુક્ત અરબના મંત્રીની સ્થિતિમાં સુધારો આવ્યો હતો. ભારત બાયોટેક- આઈસીએમઆરની કોવૈક્સીન, જાયડસ કેડિલાની વેક્સીન બીજા સ્ટેજમાં અને સીરમ - એસ્ટ્રેજનનો કોવિશીલ્ડ ત્રીજા ટ્રાયલમાં છે. હૈદરાબાદની બાયોલોજિલ ઈ પણ વેક્સીનનું પરીક્ષણ કરી રહી છે. રશિયાની સ્પૂતનિક વી બીજા ચરણમાં છે. અત્યારે દુનિયામાં 154 વેક્સીન પ્રી ક્લિનિકલ ટ્રાયલ ચરણમાં છે. 44 ક્લીનિકલ ટ્રાયલમાં છે અને તેમાંથી 10 ત્રીજા સ્ટેજમાં પહોંચી ચૂકી છે. 

દેશમાં વેક્સીન લગાવવાનું કામ કરવામાં એક વર્ષનો સમય લાગશે

દેશમાં વેક્સીનેશન એક વર્ષમાં ઉચ્ચ રાષ્ટ્રીય વિશેષજ્ઞ સમૂહ નક્કી કરશે કે કોરોનોની પહેલી વેક્સીન કોને અને કેવી રીતે અપાશે. એમ્સ ડાયરેક્ટરે કહ્યું છે કે દેશમાં વેક્સીન લગાવવાનું કામ કરવામાં એક વર્ષનો સમય લાગશે.