ભારતમાં અમેરિકન રસી મોર્ડના માટે આવતા વર્ષ સુધી રાહ જોવી પડશે. વર્ષ 2022 પહેલા ભારતને મોર્ડનાની રસીનો સપ્લાય મળવો મુશ્કેલ છે.
મોર્ડના માટે આવતા વર્ષ સુધી રાહ જોવી પડશે
2022 પહેલા ભારતને મોર્ડનાની રસીનો સપ્લાય મળવો મુશ્કેલ કેમ કે...
મોર્ડનાની રસી 63 દેશોમાં ઉપયોગમાં લેવાઈ રહી છે
મોર્ડના માટે આવતા વર્ષ સુધી રાહ જોવી પડશે
દેશના અનેક રાજ્યોમાં હાલના સમયે કોરોનાની રસીની અછત છે. રસીની અછતના કારણે રાજ્ય સરકારોએ અનેક વાર રસીકરણ સેન્ટર બંધ કરવા મજબૂર બની હતી. આ દરમિયાન સમાચાર છે કે ભારતમાં અમેરિકન રસી મોર્ડના માટે આવતા વર્ષ સુધી રાહ જોવી પડશે. હકિકતમાં વર્ષ 2021 સુધી કંપનીની તમામ રસીની બુકિંગ થઈ ચૂકી છે. જેથી વર્ષ 2022 પહેલા ભારતને મોર્ડનાની રસીનો સપ્લાય મળવો મુશ્કેલ છે.
ઉલ્લેખનીય છે કે સરકારે વિદેશી કંપનીઓ પાસેથી રસીની ખરીદીને પહોંચી વળવા માટે નીતિ આયોગના સભ્ય (સ્વાસ્થ્ય) ની અધ્યક્ષતામાં વરિષ્ઠ અધિકારીઓની 5 સભ્યોની ટીમનું ગઠન કર્યુ છે. ટીમમાં વિદેશ મંત્રાલય, સ્વાસ્થ્ય મંત્રાલય અને કાયદાના મામલાના અધિકારી છે.
આવતા વર્ષે સપ્લાય શક્ય છે
અંગ્રેજી અખબારના જણાવ્યાનુસાર રસીને લઈને મોર્ડના સાથે સરકારની વાતચીત થઈ. કંપનીએ રસીના સપ્લાયમાં રસ પણ દાખવ્યો. પરંતુ રસીનો ઓર્ડર વર્ષ 2021 માટે સંપૂર્ણ રીતે બૂક થઈ ચૂક્યો હતો. કહેવામાં આવી રહ્યું છે કે મોર્ડનાએ ભારતમાં રસીના ઉત્પાદન માટે રસ દાખવ્યો. જ્યાં સુધી રસીની વાત છે આવતા વર્ષ સુધી મળી જશે.
ભારતમાં રસી
હાલમાં ભારતમાં 3 રસી લાગી રહી છે. જેમાં કોવિશીલ્ડ, કોવૈક્સિન, અને સ્પૂતનિક છે. અત્યાર સુધીમાં દેશમાં 42 કરોડથી વધારે લોકોને રસીના ડોઝ અપાઈ ચૂક્યા છે. સમગ્ર વયસ્ક વસ્તીના રસીકરણ માટે આ વર્ષના અંત સુધીમાં 1.5 બિલિયન ડોઝની જરુર છે. સરકારનું કહેવું છે કે વર્ષના અંત સુધીમાં તમામ વયસ્કોને રસી લાગી જશે.
ફાઈઝરની પણ રાહ
ફાઈઝરની રસીને 96 દેશોમાં ઈમરજન્સી ઉપયોગ માટે મંજૂરી મળી ચૂકી છે. જ્યારે મોર્ડનાની રસી 63 દેશોમાં ઉપયોગમાં લેવાઈ રહી છે. ફાઈઝરની સાથે પણ ભારત સરકાર વાતચીત કરી રહી છે. પણ ડોઝ ક્યાં સુધીમાં મળશે તે હજું કહી શકાય નહીં. ઉલ્લેખનીય છે કે મોર્ડના અને ફાઈઝર બન્ને કોરોનાના જૂના વેરિએન્ટ પર 95 ટકા અસરકારક છે.