રસીકરણ / આજથી 15 થી 18 વર્ષના બાળકોનું રસીકરણ, જાણો કેટલા લોકોએ કરી નોંધણી અને રજિસ્ટ્રેશન પ્રોસેસ

• 15થી 18 વર્ષના બાળકોને કોરોનાની રસી લાગશે
• 6 લાખથી વધારે રજિસ્ટ્રોશન થયું
• બાળકોને કોવેક્સિન આપવામાં આવશે

15થી 18 વર્ષના બાળકોને કોરોનાની રસી લાગશે

દેશમાં અપ્રત્યાશિત રુપથી વધી રહેલા કોરોના સંક્રમણ અને ઓમિક્રોન વેરિએન્ટના કેસોની વચ્ચે એક રાહતના સમાચાર છે. આજથી એટલે કે સોમવારથી 15થી 18 વર્ષના બાળકોને કોરોનાની રસી લગાવવામાં આવશે. આ માટે કોવિન પ્લેટફોર્મ પર રવિવાર સાંજ સુધીમાં આ ઉંમરના બાળકોને રસી લગાવવા માટે 6 લાખથી વધારે રજિસ્ટ્રોશન થયું છે.

કેન્દ્રીય સ્વાસ્થ્ય મંત્રી મનસુખ માંડવિયાએ રાજ્યો અને કેન્દ્ર શાસિત પ્રદેશોને 15-18 વર્ષ સુધી બાળકોની રસી માટે અલગ અલગ રસીકરણ કેન્દ્ર અલગથી લાઈન અને રસીકરણ દળ ઉપલબ્ધ કરાવવાની સલાહ આપી છે.

સ્વાસ્થ્ય મંત્રીએ આ નિર્દેશ આપ્યા

આ માટે કેન્દ્રીય સ્વાસ્થ્ય મંત્રી માંડવિયાએ રાજ્યના સ્વાસ્થ્ય મંત્રીઓ, પ્રમુખ સચિવો, રાજ્યો અને કેન્દ્ર શાસિત પ્રદેશો ઉપરાંત મુખ્ય સચિવો સાથે વાતચીત કરી. તેમણે  રસીકરણના દિશા નિર્દેશોના સંપૂર્ણ પાલન કરવા  પર ભાર મુક્યો છે.  તેમણે આ કેટેગરીના લાભાર્થીઓ માટે રસીકરણ ટીમના મેમ્બર્સને રસીકરણ કેન્દ્રની ઓળખ સુનિશ્ચિત કરવાના નિર્દેશ આપ્યા છે.

રવિવાર સાંજ સુધીમાં રજિસ્ટ્રેશન ગ્રાફ

રવિવાર સાંજે 7.50 સુધીમાં 15થી 18 વર્ષના આયુ વર્ગના બાળકોનું રસી માટે 6.35 લાખથી વધારે રજિસ્ટ્રેસન થયું છે. 

રજિસ્ટ્રેશન માટે શું કરવું પડશે?

• સૌથી પહેલા gov.in વેબસાઈટ પર જાવ
• જો તમે કોવિન પર રજિસ્ટર્ડ નથી તો પહેલા રજિસ્ટ્રેશન કરવાનું રહેશે
• અહીં તમારે બાળકોનું નામ, ઉંમર જેવી કેટલીક માહિતી આપવાની રહેશે
• રજિસ્ટ્રેશન પુરુ થયા બાદ પોતાના મોબાઈલ પર કન્ફોર્મેશન મેસેજ આવશે.
• એ બાદ તમે વિસ્તારનો પિન કોર્ડ નાંખો
• તમારી સામે રસીકરણ સેન્ટરનું લીસ્ટ આવશે
• આ બાદ તારીખ અને સમયની સાથે પોતાનો રસીકરણ સ્લોટ બુક કરો
• આ બધુ જ કર્યા બાદ તમે રસીકરણ સેન્ટર પર જઈને પોતાના બાળકોને કોરોનાની રસી લગાવી શકશો. રસીકરણ સેન્ટર પર આવતા પહેલા તમારે આઈડેન્ટીટી પ્રૂફ  અને સીક્રેટ કોર્ડની જાણકારી આપવાની રહેશે. જે રજિસ્ટ્રેશન કરવા પર મળશે.

સરકારી સેન્ટર પર થશે બાળકોનું રસીકરણ અને જાણો કઈ રસી અપાશે

બાળકોના કોરોના રસીકરણ સરકારી સેન્ટર પર થશે. સાથે જ ખાનગી હોસ્પિટલમાં પણ તમે બાળકોને રસી લગાવી શકો છો. સરકારી રસીકરણ સેન્ટર પર બાળકોને મફત રસી લાગશે.  જ્યારે ખાનગી હોસ્પિટલોમાં રસીની કિંમત ચૂકવી પડશે. ઉલ્લેખનીય છે કે બાળકોને કોવેક્સિન આપવામાં આવશે.