મહામારી / કોવેક્સિન લેનાર ભારતીયો માટે ખુશખબર, આ તારીખથી જઈ શકાશે અમેરિકા, બાયડન સરકારનો મોટો નિર્ણય

• કોવેક્સિન લેનાર ભારતીયો માટે ખુશખબર
• 8 નવેમ્બરથી અમેરિકાની મુલાકાત લઈ શકશે
• બાયડન સરકારનો નિર્ણય
• કોવેક્સિનને WHOએ મંજૂરી આપી 

અમેરિકાએ વેક્સિનની તેની યાદી અપડેટ કરીને હવે કોવેક્સિનને તેમાં સામેલ કરી દીધી છે. કોવેક્સિનને WHOએ મંજૂરી આપતા અમેરિકી સરકારે આ નિર્ણય લીધો છે. 

WHO એ કોવેક્સિનને મંજૂરી આપતા અમેરિકાએ લીધો નિર્ણય

કોવેક્સિનને ઈમરજન્સી ઉપયોગની WHOની મંજૂરી મળી ગઈ હોવાથી અમેરિકાએ આ વેક્સિનને તેની યાદીમાં સામેલ કરી દીધી છે. અત્યાર સુધી તો કોવેક્સિન લેનાર લોકોની અમેરિકામાં એન્ટ્રી મળી શકતી નહોતી પરંતુ હવે કોવેક્સિન લેનાર આસાનાથી અમેરિકામાં પ્રવેશી શકશે. 

કોવેક્સિન લેનાર ભારતીયો 8 નવેમ્બરથી અમેરિકા જઈ શકશે 
કોવેક્સિનને WHOએ મંજૂરી આપી હોવાથી હવે આ વેક્સિન લેનાર ભારતીયો  8 નવેમ્બરથી અમેરિકા જઈ શકશે. યુએસ સેન્ટર ફોર ડિસીઝ કન્ટ્રોલ (સીડીસી)ના પ્રેસ ઓફિસર સ્કોટ પોલીએ જણાવ્યું કે, "સીડીસીની યાત્રા સંબંધિત ગાઈડલાઈન્સ એફડીએ દ્વારા મંજૂર અથવા અધિકૃત અને ડબ્લ્યુએચઓના ઈમરજન્સી ઉપયોગ માટે જારી કરવામાં આવેલી રસીઓની સૂચિને લાગુ પડે છે." કોઈપણ નવી રસી સમય જતાં તે સૂચિઓમાં શામેલ કરી શકાય છે.