સમગ્ર દેશમાં કોરોના મહામારી ચાલી રહી છે ત્યારે આ વાયરસનું સંક્રમણ અટકાવવા માટે સોશિયલ ડિસ્ટન્સ અને માસ્ક જેવા નિયમોનું પાલન ફરજિયાત બન્યું છે. તેવામાં હવે ગુજરાત ભાજપના પ્રદેશ કાર્યાલય કમલમ્ ખાતે કોવિડના નિયમોનો ભંગ થતો હોવાનું સામે આવ્યું છે.
કમલમ ખાતે કોવિડના નિયમોનો ભંગ
મોટી સંખ્યામાં કાર્યકરો ઉમટ્યા
સામાજિક અંતરનો ખુલ્લેઆમ ભંગ
ગાંધીનગરના કમલમમાં મોટી સંખ્યામાં ભાજપના કાર્યકરો ઉમટ્યા હતા. જેમાં સામાજિક અંતરનો ખુલ્લેઆમ ભંગ જોવા મળ્યો હતો. ત્યારે સરકાર માત્ર મૂકપ્રેક્ષક બની રહી હોય તેવું જણાઇ રહ્યું છે. કમલમમાં કોવિડ-19ની ગાઈડલાઈનનો ખુલ્લેઆમ ભંગ થઇ રહ્યો છે.
મહત્વનું છે કે, નવા પ્રદેશ પ્રમુખ સી.આર પાટીલે ગુજરાત સરકારના મંત્રીને ભાજપના કાર્યકર્તાઓ અને લોકોના પ્રશ્નો સાંભળીને તેનો નિકલા કરવાના આદેશ આપ્યા હતા. જેને લઇને કાર્યકર્તાઓ, કર્મચારીઓ અને આંદોલનકારીઓ કમલમ્ ખાતે ભેગા થયા હતા. તેવામાં ધીરે ધીરે ભાજપના વડામથકે કાર્યકરોની ભીડ એકઠી થવા લાગી હતી. જોકે કમલમમાં વધતી ભીડને ધ્યાને રાખીને એન્ટ્રી-એક્ઝિટ અને માર્ગમાં બેરીકેટ કરી દેવામાં આવ્યા હતા. સાથે એક પોલીસ ટેન્ટ પણ ઉભો કરવામાં આવ્યો છે.