IPLIN
 

રાહત / મોટર વ્હીકલના આ ડોક્યૂમેન્ટ્સના રિન્યૂઅલ પર મળી છૂટ, જાણી લો નવી ડેડલાઈન

Team VTV 12:31 PM, 08 May 20
Follow us
covid-19 pandemic lockdown govt extend validity of motor vehicle act related documents till 30 june

દેશભરમાં 24 માર્ચ 2020થી લૉકડાઉનની સ્થિતિ કાયમ છે ત્યારે લોકો અનેક મુશ્કેલીઓનો સામનો કરી રહ્યા છે. આ સમયે સરકારે લોકોની સુવિધાને ધ્યાનમાં રાખીને મોટર વાહનોની સાથે જોડાયેલા ડોક્યૂમેન્ટ્સની રિન્યૂઅલ તારીખોમાં ફેરફાર કર્યો છે. જે ડોક્યૂમેન્ટ્સની તારીખ 1 ફેબ્રુઆરી 2020થી 29 જૂન 2020ની વચ્ચે સમાપ્ત થઈ રહી છે તેની છૂટ 30 જૂન 3030 સુધી કરવામાં આવી છે. આ જાણકારી કેન્દ્રીય મંત્રી નીતિન ગડકરીએ આપી છે.

  • કેન્દ્રીય મંત્રી નીતિન ગડકરીએ કરી જાહેરાત
  • મોટર વ્હીકલ ડોક્યૂમેન્ટના રિન્યૂઅલ પર મળી છૂટ
  • 30 જૂન 2020 સુધી માન્ય ગણાશે ડોક્યૂમેન્ટ્સ

શું કહ્યું નીતિન ગડકરીએ

સડક પરિવહન અને રાજમાર્ગ મંત્રીએ કહ્યું કે લૉકડાઉનના કારણે લોકોની અવરજવર પર પ્રતિબંધ મૂકાયો છે. આ સિવાય ઓફિસો પણ બંધ રાખવામાં આવી છે. લૉકડાઉનના સમયે ડોક્યૂમેન્ટ્સ રિન્યૂ કરાવવાનું શક્ય નથી. મોટર વાહન અધિનિયમ 1988 અને કેન્દ્રીય મોટર વાહન અધિનિયમ 1989ના આધારે અનિવાર્ય ડોક્યૂમેન્ટ્સ પર છૂટ આપવામાં આવી છે. 

ઉલ્લેખનીય છે કે સરકારે પહેલાં જ ડ્રાઈવિંગ લાયસન્સ, પરમિટ અને રજિસ્ટ્રેશન જેવા ડોક્યૂમેન્ટ્સની તારીખ 30 જૂન સુધી વધારવા માટે રાજ્યોને એડવાઈઝરી જાહેર કરી હતી. આ પહેલાં 31 માર્ચે એક એડવાઈઝરીમાં કહેવાયું હતું કે આ નિયમના કારણે લૉકડાઉનમાં જરૂરી સામાનની અવરજવર સારી રીતે કરી શકાશે. 

લૉકડાઉન 3માં મળી ગાડીઓને છૂટ

ઉલ્લેખનીય છે કે માર્ચ 24થી લાગૂ કરવામાં આવેલા લૉકડાઉનનો ત્રીજો તબક્કો છે ત્યારે તેને 17 મે સુધી વધારવામાં આવ્યું છે. આ સમયે સરકારે 3ઝોન- રેડ, ઓરેન્જ અને ગ્રીન ઝોનમાં જિલ્લાઓની વહેંચણી કરી છે. અહીં શરતો સાથે ગાડીઓની અવરજવર શરૂ કરવામાં આવી હતી. સરકારે આ ગાડીઓના ડોક્યુમેન્ટ્સ પર પણ 30 જૂન સુધીની રાહત આપી હતી. 

Vehicle Rules Motor Vehicle Act documents 30 june Validity લૉકડાઉન મોટર વ્હીકલ એક્ટ ડોક્યૂમેન્ટ્સ રિન્યૂઅલ તારીખ છૂટ નીતિન ગડકરી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ