કમનસીબી / દીકરીને હાથમાં લેવા માટે તરસતી રહી માતા, વીડિયો કૉલમાં જોયો ચહેરો અને મોત

• દીકરીને જન્મ આપ્યા બાદ માને થયો કોરોના 
• કોરોના સમયે વીડિયો કોલથી જોયું દીકરીનું મોઢું 
• કોરોનાએ નવજાતથી છીનવી માની મમતા 

હૃદય ધ્રુજાવે તેવી ઘટના 

કોરોના વાયરસના કારણે સૌથી વધારે કહેર અમેરિકામાં જોવા મળ્યો છે ત્યારે ન્યૂયોર્કમાં એક એવી ઘટના પ્રકાશમાં આવી છે જે સાંભળીને કોઈનું પણ કાળજું કંપી જાય. કોરોના વાયરસના કારણે કેટલાય લોકોએ પોતાના સ્નેહીજનોને ગુમાવ્યા છે ત્યારે આવી જ એક ઘટના સામે આવી છે જ્યાં નવજાત બાળકીને જન્મ આપ્યાના કેટલાક દિવસ બાદ જ તેની માએ દુનિયા છોડી દીધું. માની કમનસીબી એવી કે તે પોતાની વ્હાલી દીકરીને ખોળામાં રમાડી પણ ન શકી. 

દીકરીના જન્મ બાદ માતા થઇ સંક્રમિત 

એક મીડિયા અહેવાલ અનુસાર અમેરિકામાં રહેનાર વનેસા કાર્ડેનસે નવેમ્બર મહિનામાં જ દીકરીને જન્મ આપ્યો હતો અને તે બાદ તે કોરોના વાયરસથી સંક્રમિત થઇ ગઈ. માનવામાં આવે છે કે ડિલિવરી દરમિયાન જ તે સંક્રમિત થઇ ગઈ હતી. 

વીડિયો કૉલથી જોયું મોઢું 

વનેસા સરખી રીતે પોતાની દીકરીને રમાડી પણ ન શકી અને કોરોના વાયરસના કારણે તેની મોત થિયા ગઈ. વનેસાએ પોતાની નાનકડી પરીને વીડિયો કૉલના માધ્યમથી જોઈ હતી. 

દીકરીથી માતાની મમતા છીનવાઈ ગઈ

કોરોના વાયરસના કારણે આ દીકરીથી માતાની મમતા છીનવાઈ ગઈ. જન્મના થોડા સમય બાદ જ માતા અને દીકરીને અલગ કરી દેવામાં આવ્યા હતા. પરિવારમાં બધાને આશા હતી કે વનેસા જલ્દી કોરોના સામે જંગ જીતી જશે અને દીકરીને ગળે લગાવશે પરંતુ તેવું થઇ ન શક્યું.