સુવિધા / કોરોના સંકટમાં આ બેંક આપી રહી છે સ્પેશિયલ લોન, 6 મહિના સુધી નહીં ચૂકવવા પડે કોઈ હપ્તા

• કોરોના સંકટમાં વધી રહી છે આર્થિક તંગી
• આ બેંક લોકોની સહાય માટે આવી આગળ
• લોન લેવા પર 6 મહિના પછી શરૂ થશે હપ્તા

આ સમસ્યાને તાત્કાલિક દૂર કરવા માટે પબ્લિક સેક્ટરની ઇન્ડિયન ઓવરસીઝ બેંક (આઈઓબી) એક સ્પેશિયલ લોન આપી રહી છે. આ લોનની ખાસ વાત એ છે કે, બેંક ગ્રાહકોને લોનની ઇએમઆઈ ચૂકવવા 6 મહિનાની છૂટ આપવામાં આવશે. .

હકીકતમાં આ બેંક ઈમરજન્સી આર્થિક સહાય માટે આ સ્પેશિયલ લોનની યોજનાા શરૂ કરી છે. જેનો ફાયદો કોઈપણ સેલ્ફ હેલ્પ ગ્રુપ (SHG) ઉઠાવી શકે છે. આ યોજના અંતર્ગત ગ્રુપના એક સભ્યને મહત્તમ 5000 રૂપિયાની લોન આપવામાં આવશે. જ્યારે ગ્રુપ માટે લોનની મર્યાદા 1 લાખ રૂપિયા નક્કી કરવામાં આવી છે.

જોકે, બેંકે આ સ્પેશિયલ યોજના માટે કેટલીક શરતો પણ રાખી છે. બેંકે જણાવ્યું કે, સારા રેકોર્ડ ધરાવતા અને ઇન્ડિયન ઓવરસીઝ બેંકમાંથી ઓછામાં ઓછા બે વાર લોન લઈ ચૂકેલા ગ્રુપને આ સુવિધા મળશે. આ યોજનાનો લાભ 30 જૂન, 2020 સુધી મેળવી શકાય છે. બેંકના નિયમ મુજબ, માત્ર એ જ ગ્રુપ લોન લઈ શકશે જેમની લોન 1 માર્ચ, 2020 સુધી માનક હશે અને તેની ચૂકવણી કરવામાં આવી રહી હશે. 

બેંકે કહ્યું કે, રસ ધરાવતા સ્વ-સહાય ગ્રુપ સીધા બેંક શાખામાં જઈ અથવા બેંક સહાયકો દ્વારા આ લોન માટે અરજી કરી શકશે. આ લોન 6 દિવસમાં મળી જશે અને આ લોનની ચૂકવણી 30 મંથલી ઈન્સ્ટોલમેન્ટમાં કરવી પડશે. જોકે, આ લોન લીધા બાદ આગામી 6 મહિના સુધી કોઈ હપ્તા ભરવા નહીં પડે. આ યોજના હેઠળ લોનનું વ્યાજદર 9.4 ટકા હશે. બેંક આ લોન માટે કોઈ જ પ્રોસેસિંગ ફી નહીં લે.