ભારતમાં કોરોનાના કેસ તેજ ગતિથી વધી રહ્યાં છે. ભારતમાં રોજના 10 હજાર મામલાઓ સામે આવે છે. જે મુજબ ટોપ-5 દેશમાં ભારતમાં સૌથી વધુ ઝડપી કેસ વધી રહ્યાં છે. અમેરિકા, રશિયા અને બ્રિટનમાં ઘટના સંક્રમણના કેસ સામે ભારત અને બ્રાઝિલમાં કેસ સતત વધી રહ્યાં છે.
ચિંતાની વાત એ છે કે ભારતમાં નવા કેસનો દર બ્રાઝિલ કરતા પણ વધુ છે. જોન હોપકિંસ યુનિવર્સિટીના કોરોના ડેટા સેન્ટર મુજબ ભારતમાં આગામી 3 દિવસમાં 2.88 લાખ જેટલા મામલાઓ હશે અને ભારત બ્રિટનને પછાડી ચોથા નંબર પર પહોંચી જશે. આંકડાઓના અધ્યયન મુજબ બે સપ્તાહ પહેલા ભારત અને બ્રાઝિલમાં નવા મામલાઓનો દર 5 ટકાથી વધુ હતો.
ભારતમાં નવા કેસનો દર બ્રાઝિલ કરતા પણ વધુ
નોંધનીય છે કે, જ્યારે અન્ય ત્રણ દેશમાં આ દર 2 ટકાની આસપાસ હતો. જ્યારે બે સપ્તાહ દરમિયાન ભારત અને બ્રાઝિલમાં આ દર ઘટીને 5 થયો છે. જો કે હવે 4 ટકાથી વધુ દર છે જેની સામે અન્ય 3 દેશમાં 2 ટકાથી પણ ઓછો દર છે.
બ્રિટનમાં નવા સંક્રમણનો દર માત્ર 0.6 ટકા
બ્રિટનમાં નવા સંક્રમણનો દર માત્ર 0.6 ટકા છે. ભારત અને બ્રાઝિલમાં અન્ય દેશની તુલનામાં ટેસ્ટની સંખ્યા ઓછી છે છતા પણ નવા કેસનો દર અન્ય બ્રિટન, અમેરિકા અને રશિયા કરતા વધુ છે.