અમેરિકામાં કોરોના વાયરસનો ડેલ્ટા વેરિએન્ટનો કહેર વધી રહ્યો છે અને ભારતની જેમ અમેરિકામાં પણ ઘણી હોસ્પિટલોમાં ઓક્સિજનની અછત વર્તાઈ રહી છે.
અમેરિકામાં કોરોના વાયરસનો ડેલ્ટા વેરિએન્ટનો કહેર
અમેરિકામાં ઘણી હોસ્પિટલોમાં ઓક્સિજનની ભારે અછત
હોસ્પિટલ તંત્ર ઓક્સિજનની માંગને પૂર્ણ કરવામાં અસક્ષમ
જણાવવામાં આવી રહ્યું છે કે અમેરિકાના દક્ષિણ ભાગમાં હોસ્પિટલોની સ્થિતિ ખૂબ જ કપરી છે. આ વિસ્તારમાં આવતા મોટાભાગના કોરોનાના કેસ એવા છે, જેમણે વેક્સિન લીધી નથી.
અમેરિકાના દક્ષિણ રાજ્યોમાં ઓક્સિજનની ભારે અછત
કોરોનાના વાયરસની ઝપેટમાં અત્યાર સુધી લાખો અમેરિકન નાગરિકો આવી ગયા છે. એક મીડિયા રિપોર્ટ મુજબ, અમેરિકાના દક્ષિણ રાજ્યો ફ્લોરિડા, સાઉથ કેરોલીના, ટેક્સાસ વગેરેમાં ઓક્સિજનની ભારે અછત વર્તાઈ રહી છે. સ્થિતિ એવી છે કે હોસ્પિટલ તંત્રએ પોતાના રિઝર્વ સ્ટોકમાંથી ઓક્સિજનનો ઉપયોગ કરવો પડે છે. ત્યાં સુધી કે તેની પણ સપ્લાય સમાપ્ત થઈ રહી છે. રિપોર્ટમાં કહેવામાં આવ્યું છે કે, આ રાજ્યોમાં કોરોના વાયરસના વધતા કેસોને કારણે ઓક્સિજનની માંગ વધારે થઈ ગઈ છે.
ડેલ્ટા વેરિએન્ટના કારણે લોકોના ફેફસા ખરાબ થયા
બીજી તરફ ઓક્સિજનની સપ્લાય ઘટવાના કારણે હોસ્પિટલ તંત્ર તેની માંગને પૂર્ણ કરી શકતુ નથી. સામાન્ય રીતે ઓક્સિજનની સપ્લાય ટેન્કના 90 ટકા સુધી કરવામાં આવતી હતી. પરંતુ હવે 30 થી 40 ટકા થતાં જ ઓક્સિજનની સપ્લાય કરવામાં આવે છે. તબીબોનું કહેવુ છે કે, ડેલ્ટા વેરિએન્ટના કારણે લોકોના ફેફસા ખરાબ થઈ ગયા છે, જેનાથી ઘણાં દર્દીઓના મોત થયા છે. તેમણે કહ્યું કે, મૃત્યુઆંક વધી રહ્યો છે. આ દરમ્યાન વિશ્વભરમાં કોરોના વાયરસના કેસો વધીને 21.63 કરોડ થઈ ગયા છે. આ મહામારીથી અત્યાર સુધી કુલ 45 લાખથી વધુ લોકોના મોત થયા છે. જ્યારે અત્યાર સુધી 5.19 અબજથી વધુ લોકોને રસી આપવામાં આવી છે. આ આંકડા જોન્સ હોપકિન્સ યુનિવર્સિટીએ શેર કર્યા છે.