Coronavirus / ખુશખબરી : તો શું બની ગઈ કોરોનાની રસી? કોરોનાના સંક્રમણને અટકાવી શકાશે તેવો દાવો

• કોરોના વાયરસની વેક્સીનને લઇને આખી દુનિયામાં ચાલી રહ્યું છે રિસર્ચ
• અમેરિકી વૈજ્ઞાનિકોનો દાવો, તેમની વેક્સીને કોરોના સામે ઉચ્ચ સ્તરની તાકાત હાંસલ કરી લીધી

આખી દુનિયાના વૈજ્ઞાનિકો આ ઘાતક બીમારીની દવા શોધવામાં લાગેલા છે. કોરોના વાયરસને કારણે અત્યાર સુધીમાં 47,000થી વધારે લોકોના મોત થઇ ચૂક્યા છે. 10 લાખ લોકો બીમાર છે. તેથી વૈજ્ઞાનિકોને એ વાતની ચિંતા છે કે જલ્દી જ વેક્સીન બનાવવામાં આવે. 

યૂનિવર્સિટી ઓફ પિટ્સબર્ગ સ્કૂલ ઓફ મેડિસિનના વૈજ્ઞાનિકોએ કહ્યું કે તેઓ બાકી દેશોની તુલનામાં બહુજ જલ્દી જ કોવિડ-19 કોરોના વાયરસની વેક્સીન વિકસિત કરી ચૂક્યા છે. આ યૂનિવર્સિટીના વૈજ્ઞાનિકોએ જે વેક્સીન બનાવી છે તેના માટે સાર્સ (SARS) અને મર્સ (MERS) ના કોરોના વાયરસને આધાર બનાવાયો હતો. 

Researchers at University of Pittsburgh School of Medicine working on a prototype vaccine delivered via a fingertip-sized patch in mice have shown it can induce an immune response against SARS-COV-2 at levels that might prevent infection.https://t.co/DHnPHN255P

— Coronavirus (COVID-19) Alerts (@coronaviruscare) April 3, 2020

પિટ્સબર્ગ સ્કૂલ ઓફ મેડિસિનની અસોસિએટ પ્રોફેસર આંદ્રિયા ગમબોટ્ટોએ જણાવ્યું કે આ બંને સાર્સ અને મર્સના વાયરસ નવા વાળા કોરોના વાયરસ એટલે કે કોવિડ-19 સાથે મળતા આવે છે. તેનાથી એ જાણવા મળ્યું છે કે આ ત્રણેયના સ્પાઇક પ્રોટીન (વાયરસની બહારની સપાટી) ને ભેદવુ ખુબ જ જરૂરી છે જેથી માનવીઓને આ ઘાતક વાયરસથી બચાવી શકાય. 

પ્રોફેસર આંદ્રિયા ગમબોટ્ટોએ જણાવ્યું કે અમે એ શોધી કાઢ્યું છે કે વાયરસને કેવી રીતે મારવાનો છે. તેને કેવી રીતે હરાવવાનો છે. અમે અમારી વેક્સીનને ઉંદર અજમાવી જોઇ છે અને તેના પરિણામ ખુબજ હકારાત્મક જોવા મળ્યા. 

પ્રોફેસર આંદ્રિયા ગમબોટ્ટો વેક્સીન વિશે આગળ જણાવ્યું કે આ વેક્સીનનું નામ પિટગોવૈક (PittGoVacc) રાખ્યું છે. આ વેક્સીનની અસરને કારણે ઉંદરના શરીરમાં એવા એન્ટીબૉડીઝ પેદા થયા જે કોરોના વાયરસને રોકી શકે છે. 

તેઓેએ કહ્યું કે કોવિડ-19 કોરોના વાયરસને રોકવા માટે જેટલા એન્ટીબોડીઝની જરૂર શરીરને જોઇએ, એટલી પિટગોવૈક વેક્સીન પૂર્ણ કરી રહ્યું છે. અમે ખુબ જ જલ્દી જ તેનું પરીક્ષણ માણસો પર શરૂ કરીશું. 

પિટ્સબર્ગ સ્કૂલ ઓફ મેડિસિનની ટીમ આવનારા કેટલાક મહીનાઓમાં આ વેક્સીન (રસી) નું માણસો પર ટ્રાયલ શરૂ કરશે. આ વેક્સીન ઇન્જેક્શન જેવી નથી. આ એક ચોકોર પેચ જેવી છે, જે શરીરના કોઇપણ સ્થાનમાં ચોંટાડી દેવામાં આવે છે. 

આ પેચનો આકાર આંગળીની ટોચ જેવો છે. આ પેચમાં 400થી વધારે નાની-નાની સુઇ છે જે સુગરથી બનાવાઇ છે. આ પેચના દ્વારા તેમા હાજર દવાને શરીરની અંદર દાખલ કરાવવામાં આવે છે. વેક્સીન આપવાની રીત ખુબ જ નવી છે અને કારગર પણ છે. 

જોકે, ગમબોટ્ટોની ટીમ એ સ્પષ્ટ નથી કર્યું કે આ એન્ટીબૉડીની અસર કેટલા સમય સુધી ઉંદરના શરીરમાં રહેશે. તેઓની ટીમે કહ્યું કે અમે ગત વર્ષે MERS વાયરસ માટે વેક્સીન બનાવી હતી જે ખૂબ  જ સફળ રહી હતી.