હાલમાં મળી રહેલી માહિતી અનુસાર ડેલ્ટા પરિવારનો AY.12 સ્ટ્રેન અનેક રાજ્યોમાં જોવા મળી રહ્યો છે. સૌથી વધારે પ્રભાવ ઈઝરાયલમાં જોવા મળી રહ્યો છે.
કોરોનાના ડેલ્ટા વેરિઅન્ટનો નવો સ્ટ્રેન આવ્યો
AY.12 ઈઝરાયલમાં વધારી રહ્યો છે ચિંતા
દેશના અનેક રાજ્યોમાં નવા સ્ટ્રેનના વધી રહ્યા છે કેસ
AY.12 સ્ટ્રેન દેશના અનેક રાજ્યોમાં જોવા મળી રહ્યો છે. આ માટે તેની તપાસ જરૂરી છે. ઈઝરાયલમાં 60 ટકા વસ્તીનું વેક્સિનેશન થયા બાદ પણ પહેલા કરતા ફરીથી નવા કેસમાં વધારો થયો છે અને તે પીકની આસપાસ પહોંચી રહ્યો છે. આઈએનએસએસીઓજીની તરફથી જાહેર કરાયેલા એક નિવેદનમાં રહેવાયું છે કે પહેલા ડેલ્ટા વેરિઅન્ટની જેમ તેને ક્લાસીફાઈડ કરાયો હતો અને સાથે હવે તેને AY.12ના રૂપમાં ફરીથી ક્લાસીફાઈડ કરાયો છે.
AY.12 ડેલ્ટા વેરિઅન્ટથી અલગ છે કે નહીં તે નક્કી કરાયું નથી
હજુ સુધી એ સ્પષ્ટ થયું નથી કે AY.12 ડેલ્ટા વેરિઅન્ટથી ક્લિનિકલી અલગ છે કે નહીં. ડેસ્ટા વેરિઅન્ટમાં રહેલા G142D સ્પાઈક પ્રોટીન AY.12 માં છે કે નહીં. આ વેરિઅન્ટના સ્પાઈક પ્રોટીનમાં નોવેલ કોરોના વાયરસ પરિવારથી મળતા કોઈ મ્યૂટેશન મળ્યા નથી. AY.12 આ સમયે ઈઝરાયલમાં સૌથી વધારે પ્રભાવી સ્ટ્રેન રહ્યો છે. લગભગ 51 ટકા સેમ્પલમાં આ વેરિઅન્ટ મળ્યો છે.
AY.12 ઈઝરાયલમાં સૌથી વધારે પ્રભાવી રહ્યો છે
ડેલ્ટા પહેલી વાર ભારતમાં ગયા વર્ષો ઓક્ટોબરમાં જોવા મળ્યો હતો. આ કારણે દેશમાં કોરોના મહામારીની વિનાશની બીજી લહેર આવી. જે એપ્રિલ અને મે મહિનામાં ચરમ પર હતી. બીજી લહેર ત્યારથી ઓછી થઈ જ્યારે દૈનિક કેસની સંખ્યા 25000-40000ની આસપાસ રહ્યા.