વેક્સિન માન્યતા / ભારતની બંને વેક્સિનને વિશ્વના દેશોએ મોટું હથિયાર માની, કોવેક્સિન અને કોવિશિલ્ડને કુલ 96 દેશોએ આપી માન્યતા

• ભારતની વેક્સિનો વિશ્વમાં સૌથી આગળ નીકળી 
• કોવેક્સિન અને કોવિશિલ્ડને 96 દેશોએ આપી માન્યતા 
• WHOની 8 માન્યતા વાળી વેક્સિનમાં ભારતની બંને વેક્સિન શામેલ 

કોરોના સામેની લડાઈમાં ભારત હંમેશાથી આગળ રહેતું આવ્યું છે. ત્યારે હવે ભારત વિશ્વના અન્ય દેશો કરતા પણ આગળ નીકળી રહ્યું છે. ભારતની વેક્સિન કોવેક્સિન અને કોવિશિલ્ડને હવે વિશ્વના 96 દેશો માન્યતા આપી ચુક્યા છે. બંને વેક્સિને WHO દ્વારા ઈમરજન્સીની સૂચીમાં શામેલ કરી છે. જેને લઈને વિશ્વના અન્ય દેશો પણ હવે આ વેક્સિનને અપનાવી રહ્યા છે. 

WHOએ કુલ 8 વેક્સિનને માન્યતા આપી 

વેક્સિનને લઈને કેન્દ્રીય સ્વાસ્થ્ય મંત્રી મનસુખ માંડવિયાએ કહ્યું કે વિશ્વ સ્વાસ્થ્ય સંગઠને અત્યાર સુધીમાં કુલ 8 વેક્સિનને માન્યતા આપી છે. જેમા ભારતની બંને વેક્સિન શામેલ છે. આપને જણાવી દઈએ કે કોવેક્સિનને ભારત બાયોટેક દ્વારા બનાવામાં આવી છે. જ્યારે કોવિશિલ્ડનું ઉત્પાદન સીરમ ઈન્સ્ટીટ્યુટ દ્વારા કરવામાં આવી રહ્યું છે. 

ભારતમાં 109 ડોઝ આપવામાં આવ્યા 

સ્વાસ્થ્યમંત્રીએ જણાવ્યું કે કેનેડા, અમેરિકા, ઓસ્ટ્રેલિયા, યુકે , જર્મની, ફ્રાંસ અને રશિયા જેવા દેશોએ પણ ભારતની વેક્સિનને અપનાવી છે. વધુમાં તેમણે એવું પણ કહ્યું કે ભારતમાં કુલ 109 કરોડ કોરોના વેક્સિનના ડોઝ આપવામાં આવ્યા છે. 

બહાર જનારા લોકોએ વેક્સિન પ્રમાણપત્ર સાથે રાખવાનું 

મનસુખ માંડવિયાએ એવું પણ કહ્યું કે મોદી સરકાર વિશ્વના અન્ય દેશો સાથે પણ સંપર્કમાં છે. જેમા તેઓ શિક્ષણ, વ્યવસાય, અને ફરવા માટે બહાર જતા આવતા લોકો માટે ચર્ચા કરી રહ્યા છે. જેથી ટૂંક સમયમાં અન્ય દેશો પણ વેક્સિનને માન્યતા આપશે. વધુમાં તેમણે કહ્યું વેક્સિનના પ્રમાણપત્રને માન્યતા આપવા માટે વિશ્વના અન્ય દેશો રાજી થઈ ગયા છે. જેથી વેક્સિન લેનારે કો વીન પોર્ટલ પરથી પ્રમાણપત્ર ડાઉનલોડ કરવું પડશે.