મહામારી / સીરમ બાદ ભારત બાયોટેકે પણ પોતાની રસી કો-વૅક્સિનના ભાવ નક્કી કર્યા, જાણો રાજ્યોને કેટલામાં મળશે

કંપનીએ એક્સપોર્ટ ડ્યુટીની કિંમત 15-20 ડોલર રાખી છે. 

#COVID19 | Following the Govt of India directives, we announce the prices of COVAXIN vaccines - Rs 600 per dose for state hospitals and Rs 1,200 per dose for private hospitals: Bharat Biotech pic.twitter.com/1m8On8mhKD

— ANI (@ANI) April 24, 2021

ભારતમાં કોરોના વાયરસના કેસની સંખ્યા સતત વધી રહી છે, ધીમે  ધીમે દૈનિક કેસની સંખ્યા ચાર લાખને નજીક જઈ રહી છે ત્યાં વધુમાં વધુ લોકોને વેક્સિન આપવાની જરૂરિયાત ઊભી થઈ છે. ત્યારે પહેલી મેથી ભારતમાં 18 વર્ષથી ઉપર બધાને વેક્સિનના ડોઝ આપવામાં આવશે, જોકે વેક્સિનની કિંમતોને લઈને ભારતમાં મોટો વિવાદ છેડાયો છે. ખાનગી હોસ્પિટલોને કોવિશિલ્ડ વેક્સિન આપવા માટે એક ડોઝના 600 રૂપિયા નક્કી કરવામાં આવ્યા છે. વેક્સિનની આ કિંમતને લઈને આશંકાઑ ઊભી થઈ છે અને મીડિયા અહેવાલોના વિશ્લેષણ અનુસાર આ કિંમત વિશ્વમાં સૌથી વધારે હોઇ શકે છે. 

કેન્દ્રને પણ 400ના ભાવે જ વેક્સિન અપાશે 

સિરમ ઇન્સ્ટિટ્યૂટ ઓફ ઈન્ડિયા દ્વારા જાહેર કરવામાં આવેલી કિંમતો અનુસાર રાજ્ય સરકારોને 400 અને પ્રાઇવેટ હોસ્પિટલોને 600 રૂપિયા પ્રતિ ડોઝ વેક્સિન આપવામાં આવશે. કંપનીએ કહ્યું કે 150 રૂપિયાવાળો કૉન્ટ્રૅક્ટ પૂરો થઈ જાય પછી કેન્દ્ર સરકારને 400 રૂપિયામાં જ આ વેક્સિન આપવામાં આવશે. 

વિશ્વના જુદા જુદા દેશોમાં ઓછા ભાવે અપાય છે વેક્સિન 

અંગ્રેજી અખબાર ધ ઇંડિયન એક્સપ્રેસના અહેવાલ અનુસાર પ્રાઇવેટ માર્કેટમાં 600 રૂપિયા પ્રતિ ડોઝ એટલે 8 ડોલર થયા જે દુનિયાના બધા દેશોની તુલનામાં સૌથી વધારે છે. કેન્દ્ર સરકારને નવો જે જથ્થો મળશે તે પણ 400 રૂપિયામાં આપવામાં આવશે, અને આ ભાવ પણ અમેરિકા, યુરોપ તથા અનેક દેશોની સરકારો કરતાં વધારે છે. યુકેમાં એસ્ટ્રાજેનેકા દ્વારા આ જ વેક્સિન 3 ડોલર એટલે કે 225 રૂપિયામાં આપવામાં આવી રહી છે અને અમેરિકામાં તેના માટે ચાર ડોલર લેવામાં આવી રહ્યા છે. બ્રાઝિલમાં આ જ વેક્સિન 3.15 ડોલર પ્રતિ ડોઝમાં આપવામાં આવી રહી છે. રોયટર્સ અનુસાર બાંગ્લાદેશમાં પણ આ જ વેક્સિન સસ્તા ભાવે આપવામાં આવી છે. બાંગ્લાદેશે SII પાસે ચાર ડોલરના ભાવે વેક્સિન આપવામાં આવી છે. 

કોરોના વેક્સિનની કિંમતના વિવાદ પર કેન્દ્રીય આરોગ્ય મંત્રાલયની સ્પષ્ટતા

કોરોના વેક્સિનની કિંમતના વિવાદ પર કેન્દ્રીય આરોગ્ય મંત્રાલયની સ્પષ્ટતા પણ સામે આવી છે. કેન્દ્ર બંન્ને વેક્સિન રૂ.150 પ્રતિ ડોઝના ભાવે ખરીદશે અને રાજ્યોને મફતમાં કોરોના વેક્સિન આપશે. કેન્દ્રએ કહ્યું કે રાજ્યોને વધારે ડોઝ જોઈતા હશે તો સીધા કંપની પાસેથી ખરીદી શકશે પણ બીજી તરફ પહેલાની જેમ વેક્સિનેશન ચાલુ જ રહેશે. 

પ્રાઇવેટ હોસ્પિટલોને સીમિત હિસ્સો જ આપવામાં આવશે 

સિરમ કંપનીએ આ મુદ્દે હવે પોતાનું નિવેદન જાહેર કર્યું છે અને કહ્યું છે કે પ્રાઇવેટ હોસ્પિટલોને 600 રૂપિયામાં વેક્સિન આપવામાં આવશે અને તે માત્ર સીમિત હિસ્સો જ આ પ્રાઇવેટ હોસ્પિટલોને આપશે. 

કંપનીએ આજે જાહેર કર્યું નવું નિવેદન 

કંપનીએ સ્પષ્ટતા આપતા કહ્યું કે પહેલા તો એડવાન્સ બુકિંગ હોવાના કારણે વેક્સિનની કિંમત ઓછી હતી અને હવે ઉત્પાદન વધારવા માટે રોકાણ વધારવું પડશે. SIIએ સફાઇ આપતા કહ્યું કે હજુ પણ વેક્સિનની કિંમતો અન્ય મેડિકલ સારવાર કરતાં તો ઓછી જ છે.