ભારતમાં કોરોના વાયરસના કેસમાં સતત વધારો થઇ રહ્યો છે ત્યાં બીજી તરફ વાયરસની વેક્સીન શોધવા માટે કામ ચાલી રહ્યું છે. ભારતમાં સૌથી પહેલું હ્યુમન ટ્રાયલ 17મી જુલાઈએ રોહતકમાં શરુ કરવામાં આવ્યું હતું ત્યારે કોવાક્સીનના હ્યુમન ટ્રાયલના ફેઝ-1નો પહેલો ભાગ સંપૂર્ણ થઇ ગયેલ છે અને તેમાં ઉત્સાહજનક પરિણામો આવ્યા છે.
દેશમાં સતત વધી રહ્યા છે કોરોના કેસ
કોવાક્સિનના હ્યુમન ટ્રાયલમાં પ્રથમ ફેઝ સંપૂર્ણ
હવે ટ્રાયલના બીજા ભાગમાં છ લોકોને વેક્સીન આપવામાં આવશે
ભારતમાં સતત કોરોના વાયરસનો પ્રકોપ વધી રહ્યો છે અને દેશમાં 13.85 લાખ લોકો વાયરસની ઝપેટમાં આવી ગયા છે. ત્યારે કોરોનાને હરાવવા માટે વેક્સીનની શોધ કરવા માટે ભારતમાં કામ ચાલી રહ્યું છે હ્યુમન ટ્રાયલ કરવામાં આવી રહ્યા છે જેમાં પહેલું ચરણ પૂર્ણ થઇ ગયું છે. પહેલા ચરણમાં કોવાક્સિનના પરિણામથી આશા જાગી છે.
વેક્સિનના પરીક્ષણ ટીમના પ્રમુખ ડૉ. સવિતા વર્માએ કહ્યું કે 'કોવાક્સિનના હ્યુમન ટ્રાયલના ફેઝ -1નો પ્રથમ તબક્કો શનિવારે હરિયાણાના રોહતકમાં પૂર્ણ થયેલ છે અને હવે બીજા ભાગમાં 6 લોકો પર વેક્સીનનું પરીક્ષણ કરવામાં આવશે.
તેમણે વધુમાં કહ્યું કે હ્યુમન ટ્રાયલના ફેઝ-1માં પહેલો ભાગ પૂર્ણ થઇ ગયેલ છે જેમાં ભારતમાં 50 લોકોને રસી આપવામાં આવી અને તેના પરિણામ ખૂબ ઉત્સાહજનક છે. ફેઝ-1ના બીજા ભાગમાં શનિવારે છ લોકોને વેક્સીન આપવામાં આવી રહી છે.
નોંધનીય છે કે કોરોના વાયરસ સામે ભારતમાં સૌથી પહેલું હ્યુમન ટ્રાયલ 17મી જુલાઈએ રોહતકમાં શરુ કરવામાં આવ્યું. તે દિવસે ત્રણ લોકો પર પરીક્ષણ શરુ કરવામાં આવ્યું હતું.
ભારતમાં છેલ્લા 24 કલાકમાં 48,661 નવા કેસ સામે આવ્યા છે જ્યારે 705 દર્દીઓએ પોતાના જીવ ગુમાવ્યા છે. ભારતમાં વધારે દર્દીઓ સામે આવી રહ્યા છે તેનું મુખ્ય કારણ એ છે કે દેશમાં સતત ટેસ્ટ વધારવામાં આવી રહ્યા છે. ભારતમાં અત્યાર સુધી 8,85,577 દર્દીઓ સાજા થઇ ગયા છે. વધુમાં વધુ લોકો સાજા થવાના કારણે દેશમાં રિકવરી રેટ વધીને 63.91% થઇ ગયો છે જ્યારે દિલ્હીમાં તો શનિવારે આ રેટ 87.29% પર હતો.