2019માં થયેલ પુલવામા અટેકને લઇને આરોપી ફેઝ રશીદએ ફેસબુક પર અપમાનજનક ટિપ્પણી કરી હતી. તે મુદે કોર્ટે આરોપીને 5 વર્ષની સજા સંભળાવી છે. માહિતી અનુસાર આરોપી રશીદને આતંકવાદીએ વિવિધ મીડિયા સંસ્થાઓની પોસ્ટ પર હુમલાની ખુશી મનાવતી 23 ટિપ્પણીઓ કરી હતી.
આરોપી ફેઝ રશીદને કોર્ટે 5 વર્ષની સજાં ફટકારી
પુલવામાં હુમલાને લઇને કરી હતી ટિપ્પણીઓ
ફેસબુક પર આ આતંકીહુમલાનું કર્યું સમર્થન
બેંગલોરની સ્પેશિયલ કોર્ટે 2019નાં પુલવામાં અટેકને લઇને ફેસબુક પર અપમાનજનક કમેન્ટસ કરનારાં 22 વર્ષિય આરોપીને 5 વર્ષની સજા સંભળાવી છે. સાથે જ 25000 રૂપિયાનો દંડ પણ ફટકાર્યો છે.
આરોપીએ અપરાધ 19 વર્ષની ઉંમરે કર્યો
માહિતી અનુસાર આ આરોપી ફેઝ રાશિદે ફેસબુક પર ટિપ્પણીઓ વર્ષ 2019માં કરી હતી જ્યારે તે 19 વર્ષનો હતો. તે સમયે તે કોલેજનો છાત્ર હતો. છેલ્લા સાડાં ત્રણ વર્ષોથી તે પોલિસની કસ્ટડીમાં છે.
ધારા 153A અને 201 લાગુ
કોર્ટે આરોપીને ધારા 153 એ (ધર્મના આધાર પર વિભિન્ન સમુહો વચ્ચે દુશ્મની વધારવી) અને ધારા 201 (પુરાવાઓ દૂર કરવાં) અંતગર્ત દોષિત જાહેર કર્યો છે. જો કે ધારા 124A (દેશદ્રોહ) પર કાર્યવાહી કરવામાં આવી નથી. IPCની ધારા 153 A અંતર્ગત કોર્ટે આરોપીને પહેલા 3 વર્ષ માટે સાધારણ જેલ અને 10000 રૂપિયાનો દંડ જાહેર કર્યો હતો. અને ત્યારબાદ ધારા 201 અંતગર્ત 3 વર્ષની જેલ સહિત 5000 રૂપિયાનો દંડ જાહેર કર્યો હતો.
23 ટિપ્પણીઓ કરી હતી ફેઝ રશીદે
મળેલ માહિતી અનુસાર રશીદે આતંકવાદી હુમલા માટે ખુશ થઇ અને સેનાનો મજાક ઉડાવતી વિવિધ ટિપ્પણીઓ મીડિયા સંસ્થાનોની પોસ્ટ પર કરી હતી. આશરે 23 અપમાનજનક ટિપ્પણીઓ કર્યા હોવાનો રશીદ પર આરોપ છે.
કોર્ટે આપ્યો ચૂકાદો
કોર્ટે પોતાના વર્તમાન નિર્ણયને જાહેર કરતાં કહ્યું કે પ્રોસિક્યુશન પક્ષે તે દેખાડવા માટે પુરાવાઓ રજૂ કર્યા છે કે આરોપીએ ધર્મના આધારે વિવિધ સમૂહોની વચ્ચે દુશ્મની વધારવાનાં ઉદેશ્યથી પુલવામામાં CRPF જવાનો પર થયેલ હુમલાનું સમર્થન કરતાં પોતાના ફેસબુક એકાઉન્ટથી અપમાનજનક પોસ્ટ કરી હતી જે વિવિધ સમૂહો વચ્ચે રહેલી શાંતિને હાની પહોંચાડી શકે છે. તેનાથી સાર્વજનિક શાંતિનો ભંગ થવાની આશંકા હતી.