પતિ પત્ની વચ્ચે મતભેદોને કારણે અદાલત પહોંચેલા મામલામાં ઇલાહાબાદ હાઈકોર્ટે બાળકની ખુશી માટે મતભેદો દૂર કરવાનો આદેશ આપ્યો છે. જાણો વિગતવાર
માંએ બાળકની કસ્ટડી મેળવવા માટે કરી કોર્ટમાં અરજી
કોર્ટે કહ્યું બાળક પિતા સાથે ખુશ છે
બાળકની ખુશી માટે મતભેદો દૂર કરે માતા-પિતા
માંએ બાળકની કસ્ટડી મેળવવા માટે કરી કોર્ટમાં અરજી
પતિ પત્ની વચ્ચે મતભેદોને કારણે અદાલત પહોંચેલા મામલામાં ઇલાહાબાદ હાઈકોર્ટે મહત્વની ટીપ્પણી કરી છે. હાઈકોર્ટે ઇટાવાનાં દંપતી વચ્ચે સંબંધોમાં ખટાશના મામલામાં સુનાવણી દરમિયાન બાળકની ઈચ્છાને ધ્યાનમાં રાખતા કહ્યું કે માતા - પિતા પોતાના બાળકોની ખુશી અને શાંતિ માટે પોતાના મતભેદોને દૂર કરે.
બાળકની ખુશી માટે મતભેદો દૂર કરે માતા-પિતા
કોર્ટે હસ્તક્ષેપ કરવાથી ઇનકાર કરી દીધો અને આદેશ આપ્યો કે બાળક પોતાના પિતા સાથે જ રહેશે. માં અને પિતા દર રવિવારે એકબીજાના ઘરે જઈને બાળકને મળશે. આ દરમિયાન વિવાદ નહીં કરે અને કોઈ અવરોધ ઉત્પન્ન નહીં કરે. આ સાથે જ એફઆઈઆરનાં તપાસ અધિકારીને નિર્દેશ આપવામાં આવ્યા છે કે બંનેનું કાઉન્સેલિંગ તથા મેડીએશન કરાવે, જેથી તેમની વચ્ચેનાં મતભેદો દૂર થઇ શકે.
કોર્ટે કહ્યું બાળક પિતા સાથે ખુશ છે
કોર્ટે કહ્યું કે પરિવારમાં સંબંધ બગડવાની બાળકો પર ખરાબ અસર પડે છે, એટલા માટે મતભેદ દૂર કરો. આ આદેશ જસ્ટીસ શ્યામ શમશેરીએ 7 વર્ષીય ગ્રંથ વર્માની તરફથી માં આશી વર્મા દ્વારા દાખલ કરવામાં આવેલી હેબિયસ કોર્પસ પિટિશન પર આપવામાં આવ્યો છે. મામલામાં માં આશી વર્માએ આરોપ લગાવ્યો હતો કે પતિ ગૌરવ વર્માએ તેના 7 વર્ષીય બાળકને કેદમાં રાખ્યો છે. તેનો પતિ વર્ષોથી સતામણી કરે છે અને પોલીસ સાથે તે બાળકને લેવા ગઈ તો દુર્વ્યવહાર પણ કર્યો. તેને તેનું બાળક પાછું આપવામાં આવે. કોર્ટે મામલામાં સુનાવણી કરતા કહ્યું કે બાળક પોતાના પિતા સાથે ખુશ છે અને તે ત્યાં જ રહીને ભણવા માંગે છે. તેને પોતાના પિતાથી કોઈ ફરિયાદ નથી. આવામાં અરજી સ્વીકારી ન શકાય.
જોકે કોર્ટે માંને પોતાના બાળકને મળવાની છૂટ આપી છે. બીજું નાનું બાળક માં સાથે રહી રહ્યું છે. કોર્ટે પુત્રની કસ્ટડી મેળવવાની અરજીકર્તાની માંગને ફગાવી દીધી હતી અને પ્રોટેક્શન એક્ટ હેઠળના અધિકારનો ઉપયોગ કરવાનું કહ્યું હતું.