ગુજરાતી ગાયીકા કિંજલ દવેના ગીત ચાર ચાર બંગડી પર કોપીરાઈટનો દાવો થયો હતો. આ મામલે અમદાવાદની કોમર્શિયલ કોર્ટમાં સુનાવણી હાથ ધરાઈ હતી. આ સુનાવણી દરમિયાન કોમર્શિયલ કોર્ટે કિંજલ દવેના વકીલની દલીલને માન્ય રાખી છે.
કિંજલ દવેને કોમર્શિયલ કોર્ટની રાહત મળી છે. કોર્ટે કિંજલ દવેના વકિલની દલીલને માન્ય રાખી છે. મહત્વનું છે કે ચાર ચાર બંગડીવાળી ગાડીના ગીતને લઈને રેડ રીબીન એન્ટરટેઇનમેન્ટે કિંજલ દવે વિરુધ્ધ કોર્ટમાં દાવો કર્યો હતો. જેમાં કિંજલ દવે પર કોપી રાઈટ્સને લઈને દાવો કરવામાં આવ્યો હતો.
જેથી કિંજલ દવેના વકિલે આ દાવો કોર્ટમાં ચલાવવાની સત્તા ન હોવાની દલીલ કોર્ટમાં કરી હતી. ત્યારે કોર્ટે કિંજલ દવેના વકિલની રજૂઆતને માન્ય રાખીને દાવો પરત ખેંચ્યો હતો.
મહત્વનુ છે કે, કિંજલ દવેના ચાર ચાર બંગડી વાળા ગીતને લઈને ઓસ્ટ્રેલિયામાં કાઠિયાવાડી કિંગ તરીકે ઓળખાતા કાર્તિક પટેલે કોપીરાઈડનો દાવો કર્યો હતો. આ મામલે કાર્તિક પટેલે કોમર્શિયલ કોર્ટમાં અરજી કરી હતી.