અમદાવાદ / હાર્દિક પટેલની રાજદ્રોહ કેસમાં કોર્ટમાં હાજર ન રહેવાની આડોડાઈથી બિનજામીનપાત્ર વોરંટ જાહેર

• હાર્દિક પટેલ વિરુદ્ધમાં અમદાવાદની સેશન્સ કોર્ટે બિનજામીનપાત્ર વોરંટ ઈશ્યૂ કર્યું છે
• રાજ્ય સરકારે હાર્દિક પટેલ વિરુદ્ધમાં રાજદ્રોહનો ગુનો દાખલ કર્યો હતો
• કેસમાં તેની ધરપકડ થયા બાદ જામીન પર મુક્તિ મળી હતી

પાસના પૂર્વ કન્વીનર અને કોંગ્રેસ અગ્રણી હાર્દિક પટેલ વિરુદ્ધમાં અમદાવાદની સેશન્સ કોર્ટે બિનજામીનપાત્ર વોરંટ ઈશ્યૂ કર્યું છે. વારંવાર કોર્ટની મુદતમાં હાર્દિક પટેલ હાજર નહીં થતાં આજે કોર્ટે વોરંટ ઇશ્યૂ કર્યું છે. 

હાર્દિક પટેલ વિરુદ્ધમાં અમદાવાદની સેશન્સ કોર્ટે બિનજામીનપાત્ર વોરંટ ઈશ્યૂ કર્યું છે

બિનજામીનપાત્ર વોરંટ ઈશ્યૂ થતા વધુ એક વખત હાર્દિક પટેલની ધરપકડ થાય તેવા ભણકારા વાગી રહ્યા છે. પાટીદાર અનામત આંદોલન વખતે વિવાદીત નિવેદનો બાદ રાજ્ય સરકારે હાર્દિક પટેલ વિરુદ્ધમાં રાજદ્રોહનો ગુનો દાખલ કર્યો હતો. આ કેસમાં તેની ધરપકડ થયા બાદ જામીન પર મુક્તિ મળી હતી. આ કેસમાં હાર્દિક પટેલ વારંવાર કોર્ટમાં ગેરહાજર રહેતા આજે સેશન્સ કોર્ટે તેના વિરુદ્ધમાં બિનજામીનપાત્ર વોરંટ ઈશ્યૂ કર્યું છે. 

તે સંખ્યાબંધ વખત ગેરહાજર રહ્યો છે

તાજેતરમાં હાર્દિક પટેલની વીરમગામથી ધરપકડ કરાઇ હતી. ઉલ્લેખનીય છે કે હાઈકોર્ટે જામીન આપ્યા ત્યારે એવો સ્પષ્ટ હુકમ કરેલ કે ટ્રાયલ દરમ્યાન તે કોર્ટને સહકાર આપશે પણ તે બિલકુલ સહકાર આપતો નથી અને ભૂતકાળ જોતાં તે સંખ્યાબંધ વખત ગેરહાજર રહ્યો છે.