મા-બાપ બન્યા બાદ સૌથી મોટુ કામ હોય છે પોતાના બાળકને એક સારુ નામ આપવું. કેટલાક પેરેન્ટ્સ બાળકોને પોપ્યુલર નામ આપે છે તો કેટલાક રેર અને યુનિક નામ આપે છે. ઓસ્ટ્રેલિયામાં એક કપલે તેમના બાળકને એવું નામ આપ્યું કે તેમને 2080 સુધી ફ્રિ પિઝ્ઝા ખાવા મળશે. ડૉમિનોઝે આ કપલને જણાવ્યું કે, તેમણે 60 વર્ષ સુધી ફ્રિ પિઝ્ઝા ખાવાની શરત જીતી લીધી છે.
ઓસ્ટ્રેલિયામાં કપલને મળશે 60 વર્ષ સુધી ફ્રી પિઝ્ઝા
શું હતી શરત
રિપોર્ટ અનુસાર, પોતાના 60 વર્ષ પુરા થવા પર ડૉમિનોઝે એક શરત રાખી હતી કે ઓસ્ટ્રેલિયામાં જો કોઇ બાળકનો જન્મ 9 ડિસેમ્બર 2020ના રોજ થાય છે અને તે તેનું નામ Dominic કે dominique રાખે છે તો તેમને આગળના 60 વર્ષ સુધી ડોમિનોઝમાં ફ્રિ પિઝ્ઝા ખાવા મળશે.
શું છે સમગ્ર મામલો
સિડનીના કપલે આ શરત જીતી લીધી છે અને તેમને આ વાતની જાણકારી પણ ન હતી. તે લોકો પહેલાથી જ પોતાના બાળકનું નામ Dominic રાખવાના હતા, બાદમાં તેમના સંબંધીઓએ તેમને જણાવ્યું ત્યારે આ પ્રતિયોગીતાનો હિસ્સો બની ગયા હતા. 9 ડિસેમ્બરે ઓસ્ટ્રેલિયામાં માત્ર તે જ એક કપલ હતું જેમણે ડોમિનોઝની શરત પ્રમાણે નામ રાખ્યું હતું. કપલને 60 વર્ષો સુધી એટલે કે 2080 સુધી દર મહિને 14 ડૉલરના પિઝ્ઝા મફત મળશે.
વિદેશોમાં આ પ્રકારના કેટલાક કોન્ટેસ્ટ થતાં રહે છે અને લોકો તેમાં ભાગ પણ લે છે. જ્યારે જ્યારે આ પ્રકારના કોન્ટેસ્ટ યોજાય છે ત્યારે ત્યારે લોકો હરખથી તેમાં ભાગ લે છે અને ગમે તેટલો વિચિત્ર હોય તે જીતે છે અને બાદમાં ખુશ પણ થાય છે.
ભારતમાં બાળકના નામ સાથે લોકો કોમ્પ્રોમાઇઝ કરતા નથી. લોકો તેમના પૂર્વજોના નામ આપે છે પરંતુ ભારતમાં આ પ્રકારની સંખ્યા ઓછી છે કે જે ફ્રી પિઝ્ઝા માટે બાળકના નામ સાથે કોમ્પ્રોમાઇઝ કરે. હવે આ કપલને દરેક મહિને 14 ડૉલરના પિઝ્ઝા ફ્રીમાં મળશે.