અમેરિકાની પ્રખ્યાત કંપની ટેસ્લાના સીઈઓ એલોન મસ્કે ખુલાસો કર્યો છે કે કંપની દ્વારા તાજેતરમાં રજૂ કરવામાં આવેલી સાયબરટ્રેકની ડિઝાઇન કંઈક અંશે જેમ્સ બોન્ડ ફિલ્મથી પ્રેરિત છે. 1977 માં રિલીઝ થયેલી જેમ્સ સ્પાયની ફિલ્મ The Spy Who Loved Me, માં એક એવી કાર દર્શાવવામાં આવી હતી જે ફક્ત રસ્તા પર ચાલતી નથી, પણ પાણીમાં તરતી રહે છે.
તે જ સમયે, એક અહેવાલ મુજબ, આ મૂવીમાં એલોન મસ્કએ વપરાયેલી કારને હરાજી દ્વારા 7 કરોડ 15 લાખમાં ખરીદી હતી. ચાલો જાણીએ આ કારની પાછળની વાર્તા.
2021 થી કારનું વેચાણ કરાશે
આપને જણાવી દઈએ કે નવેમ્બરમાં ટેસ્લાના સીઈઓ એલોન મસ્કે સાયબરટ્રક નામની લાઇટ કોમર્શિયલ ગાડીની ડિઝાઇન રજૂ કરી હતી. બેટરી સંચાલિત સાયબરટ્રકની કિંમત આશરે 29 લાખ રૂપિયાથી શરૂ થાય છે. તેનું વેચાણ 2021 થી શરૂ થશે. પરંતુ બુકિંગ 7 હજાર રૂપિયાથી શરૂ થઈ ગયું છે.
માત્ર 7 હજારમાં ખરીદી કાર
મસ્કે સાયબરટ્રકની ડિઝાઈનમાં મદદ જે કારમાંથી મળી છે તેને એક કપલે માત્ર 7 હજાર રૂપિયામાં જ ખરીદી હતી. પરંતુ તેઓ જેમ્સ બોન્ડ ફિલ્મ્સના દર્શક ન હતા. તેથી શરૂઆતમાં તેઓને આ કારનું મહત્વ વિશે ખબર જ નહોતી.
એક અહેવાલ મુજબ, ન્યૂયોર્કનાં લોંગ આઈલેન્ડમાં વસવાટ કરતા આ યુગલે 1989માં એક સ્ટોરેજ યૂનિટને ખરીદ્યુ હતુ. તે એક બ્લાઈન્ડ ઓક્શન હતુ. વેચવાવાળાને પણ યોગ્ય રીતે જાણ ન હતીકે, તે જે વેચવા જઈ રહ્યો છે તેની અંદર શું છે ના તો ખરીદી કરવાવાળા જાણતા હતા.
1976 ની Lotus Esprit કાર મળી
જ્યારે આ યુગલે 7 હજારમાં ખરીદેલ સ્ટોરેજ યુનિટ ખોલ્યું ત્યારે તેમને 1976 ની Lotus Esprit સ્પોર્ટ્સ કાર મળી. આ કારનો ઉપયોગ 1977 માં જેમ્સ બોન્ડ ફિલ્મ ધ સ્પાય હુ લવ્ડ મીમાં થયો હતો.
7 કરોડના ખર્ચે એલોન મસ્કે ખરીદી કાર
કારની વાસ્તવિકતા જાણ્યા પછી પણ, દંપતી પાસે આ કાર આગામી 20 વર્ષ સુધી હતી. છેવટે 2013 માં, તેઓએ તેની હરાજી કરવાનું નક્કી કર્યું. આ કારની હરાજી RM Sotheby નામની કંપની દ્વારા કરવામાં આવી હતી અને કોઈ અજાણ્યા શખ્સે તેના માટે 7 કરોડની બોલી લગાવી હતી. પાછળથી અજાણ્યો વ્યક્તિ એલોન મસ્ક હોવાનું બહાર આવ્યું હતું.