કોઈ વ્યક્તિ જાતીય સંતોષ મેળવવા માટે કેટલી હદે જઈ શકે છે તેનો એક શરમજનક નમૂનો સામે આવ્યો છે. શારીરિક સંબંધો બાંધવા માટે એક કપલે પોતાના જ બાળકને ગળા સુધી દાટી દીધો હતો. પોલીસે હાલ આ કપલની ધરપકડ કરીને આગળની કાર્યવાહી હાથ ધરી છે. પોતાના બાળક સાથે આવું જઘન્ય કૃત્ય કરનારને કડક સજા કરવાની માંગ કરવામાં આવી રહી છે.
એક વ્યક્તિએ પોલીસને જાણ કરતા બાળકને રેસ્ક્યુ કરાયો
સખત ગરમી અને તાપમાં બાળક દાઝ્યો
કપલની સાથે એક પુરુષ પણ જે ઘટનાસ્થળેથી ભાગ્યો
પોલીસે એક એવા કપલની ધરપકડ કરી છે જેના પર આરોપ છે કે શારીરિક સંબંધ બાંધવા માટે પોતાના જ બે વર્ષના બાળકને રેતીમાં દાટી દીધો. આ મામલો આર્જેન્ટીનાનાં બ્યૂનસ આયર્સના એક બીચનો છે.
પોલીસે કહ્યું કે પ્રત્યક્ષદર્શીએ ઈમરજન્સી નંબર પર કોલ કરીને પોલીસને સમગ્ર ઘટનાની જાણ કરી હતી. જયારે તે વ્યક્તિએ તે બાળકને રેતીમાં ગળા સુધી દટાયેલો જોયો તે સમયે બીચ પર અતિશય તાપ અને ગરમી હતી. જાણકારી મળ્યા બાદ જયરે પોલીસે તે બાળકને રેસ્ક્યુ કર્યો ત્યારે તે બાળક તડકામાં દાઝી ગયો હતો અને ખૂબ ભૂખ્યો હતો.
મીડિયા રીપોર્ટ અનુસાર મહિલા અને પુરુષની ઉંમર 29 વર્ષની છે. પોલીસે આ કપલની ધરપકડ કરી લીધી છે. આ કપલની સાથે એક બીજો પુરુષ પણ હતો પરંતુ તે પોલીસને જોઇને ભાગી ગયો હતો. પીડિત બાળકના પિતા આર્જેન્ટીનાનાં છે અને માતા પ્રાગની છે.