દેશમાં 2 ઘટનાઓ / હોળી રમીને બાથરુમમાં નાહવા ગયેલું કપલ ગયું તે ગયું, પાછું જ ન આવ્યું, બાળકો રાડારાડ કરી ઉઠ્યાં

• હોળીના દિવસે ગાઝિયાબાદમાં એક મોટો અકસ્માત
• ગીઝર ગેસ ગૂંગળામણથી બાથરુમમાં કપલનું મોત
• મોડે સુધી પાછા ન આવતાં બાળકોએ કરી તપાસ
• બાથરુમમાં બન્ને પડ્યાં હતા બેહોશ 

હોળીના દિવસે ગાઝિયાબાદમાં એક મોટો અકસ્માત થયો હતો. અહીં નહાતી વખતે એક દંપતીનું મોત નીપજ્યું હતું. પોલીસે જણાવ્યું હતું કે બુધવારે મુરાદનગરના અગ્રસેન વિહાર ફેઝ વન કોલોનીમાં એક ગીઝરમાંથી ગેસ ગળતર દરમિયાન એક કપલનું મોત નીપજ્યું હતું. ગેસના કારણે કપલ ગૂંગળાઈ ગયું હતું. 

 દીપક અને શિલ્પી હોળીને રમીને નાહવા ગયા
પોલીસે આપેલી માહિતી પ્રમાણે હોળીની ઉજવણી કર્યા બાદ 40 વર્ષીય દીપક અને 36 વર્ષીય શિલ્પી બાથરૂમમાં નહાવા ગયા હતા. આ દરમિયાન તેમણે ગેસ ગીઝર પણ ચાલુ કરી દીધું હતું અને ભયંકર ગૂંગળામણ થતાં તેઓ બન્ને બાથરુમમાં બેભાન બન્યાં હતા. 

પાછા ન આવતાં બાળકોએ બાથરુમમાં કરી તપાસ 
લગભગ એક કલાક પછી મમ્મી-પપ્પા પાછા ન આવતાં બાળકો તેમને શોધવા લાગ્યાં હતા અને તેઓ અચાનક બાથરુમમાં ગયાં હતા જ્યાં તેમને બન્ને બેભાન અવસ્થામા પડેલા જોયા હતા જે પછી બાળકોએ રાડારાડ કરતાં બધા ભેગા થયા અને ઉતાવળમાં તેમને ખાનગી હોસ્પિટલમાં લઇ જવાયા હતા. ત્યાંના ડોક્ટરોએ બંનેને મૃત જાહેર કર્યા હતા.

ગીઝર ચાલુ કર્યાં બાદ ગેસ લીકેજ પર ધ્યાન ન આપ્યું 
આ કપલ ઘરના બીજા માળે સ્થિત બાથરૂમમાં નહાવા માટે ગયા હતા. ગીઝર ચાલુ કર્યા બાદ આ દંપતીએ ગીઝરમાંથી ગેસ લીક થવા પર ધ્યાન આપ્યું ન હતું. જે બાદ તે બેભાન થઈ ગયા હતા.  લગભગ એક કલાક સુધી બંને બાથરૂમમાંથી બહાર ન આવ્યા તો તેમના બાળકોએ બાથરૂમનો દરવાજો ખોલ્યો તો બંને બેભાન હાલતમાં મળી આવ્યા હતા. હોસ્પિટલમાં દંપતીને મૃત જાહેર કરાયા બાદ પોલીસે લાશને સકંજામાં લઇ પોસ્ટમોર્ટમ માટે મોકલી આપી હતી. હાલ પોલીસ આ મામલે વધુ તપાસ કરી રહી છે.

મુંબઈમાં પણ આવી ઘટના

મુંબઈના ઘાટકોપરમાં પણ દીપક શાહ અને ટીના શાહ નામના એક કપલની બાથરુમમાં ગેસ ગીઝરના ગેસથી ગૂંગળામણને કારણે મોતની ઘટના બની છે. આ કપલ પણ હોળી ખેલ્યાં બાદ સાથે નાહવા ગયું હતું જેમાં બાથરુમમાં ગેસનું લીકેજ થતાં તેઓ બેભાન બન્યાં હતા.  

બાથરુમમાં નાહતી વખતે ધ્યાન રાખવું જરુરી
બાથરુમમાં ગેસ ગીઝરથી મોતની આ પહેલી ઘટના નથી. અવારનવાર આવી ઘટનાઓ સામે આવતી રહે છે  માટે ગીઝરનો ઉપયોગ વખતે સાવધાન થઈ જવાની જરુર છે.