અવનવું! / નાઈટ લવર્સ માટે ગુડ ન્યૂઝ! લદ્દાખમાં બનશે દેશનું પહેલું 'ડાર્ક સ્કાય રિઝર્વ', ચાંદની રાતોનો ઉઠાવી શકશો લુત્ફ

• લદ્દાખમાં ભારતનું પ્રથમ નાઇટ સ્કાય સેન્ચ્યુરી
• લદ્દાખમાં ચાંગથાંગ વન્યજીવ અભયારણ્ય બનશે
• ડાર્ક સ્કાય રિઝર્વ માટે એમઓયુ સાઇન

લદ્દાખમાં ભારતનું પ્રથમ નાઇટ સ્કાય સેન્ચ્યુરી બનાવવામાં આવશે. ત્રણ મહિનાની અંદર પૂર્ણ થનારો આ પ્રોજેક્ટ લદ્દાખમાં ચાંગથાંગ વન્યજીવ અભયારણ્યમાં સાકાર થશે. આ પ્રોજેક્ટ દેશમાં એસ્ટ્રો-ટૂરિઝમને પ્રોત્સાહન આપવા માટે એક સીમાચિહ્નરૂપ સાબિત થશે. લદ્દાખના હાનલે ખાતે પૂર્ણ થનારા આ પ્રોજેક્ટનું સ્થળ વિશ્વનું સૌથી ઊંચું સ્થળ છે, જે ઓપ્ટિકલ, ઇન્ફ્રા-રેડ અને ગામા-રે ટેલિસ્કોપ માટે સૌથી યોગ્ય રહેશે.

ડાર્ક સ્કાય રિઝર્વ માટે એમઓયુ સાઇન
કેન્દ્રીય મંત્રી જિતેન્દ્ર સિંહે કહ્યું કે, ડાર્ક સ્કાય રિઝર્વનું કામ પૂર્ણ કરવા માટે એમઓયુ પણ કરવામાં આવ્યા છે. લદ્દાખ કેન્દ્રશાસિત પ્રદેશ પ્રશાસન, લદ્દાખ ઓટોનોમસ હિલ ડેવલપમેન્ટ કાઉન્સિલ લેહ અને ઇન્ડિયન ઇન્સ્ટિટ્યૂટ ઓફ એસ્ટ્રોફિઝિક્સ વચ્ચે ડાર્ક સ્પેસ રિઝર્વ લોન્ચ કરવા માટે ત્રિપક્ષીય એમઓયુ પર હસ્તાક્ષર કરવામાં આવ્યા છે. જીતેન્દ્રસિંહે જણાવ્યું હતું કે, તમામ હોદ્દેદારો સંયુક્ત રીતે અનિચ્છનીય પ્રકાશ પ્રદૂષણ અને પ્રકાશથી રાત્રે આકાશને બચાવવા તરફ કામ કરશે. કારણ કે આવી લાઇટ્સ આકાશની કુદરતી સ્થિતિ અને વૈજ્ઞાનિક નિરીક્ષણ માટે જોખમ ઉભું કરે છે. કેન્દ્રીય પ્રધાને જણાવ્યું હતું કે, હેનલે આ પ્રોજેક્ટ માટે સૌથી યોગ્ય છે. તેનું કારણ એ છે કે તે લદ્દાખના ઠંડા રણ વિસ્તારમાં સ્થિત છે. તે કોઈપણ પ્રકારના માનવ વિક્ષેપથી દૂર છે, ચોખ્ખું આકાશ અને શુષ્ક હવામાનની સ્થિતિ આખું વર્ષ રહે છે.

એજ્યુકેશન ફેરમાં કેમ્પ યોજાશે 
કેન્દ્રીય મંત્રી જિતેન્દ્ર સિંહની સાથે લદ્દાખના લેફ્ટનન્ટ ગવર્નર આરકે માથુરે પણ લદ્દાખ લેધર સેન્ટર લેહબેરી ઉપરાંત સીએસઆઈઆરના સહયોગથી ચાલતા પ્રોજેક્ટ્સ અને એજ્યુકેશન ફેર અંગે ચર્ચા કરી છે. કેન્દ્રીય મંત્રીએ કહ્યું કે આવતા વર્ષે ડિપાર્ટમેન્ટ ઓફ સાયન્સ એન્ડ ટેકનોલોજી લદ્દાખ એજ્યુકેશન ફેર માટે એક વિશેષ શિબિરનું આયોજન કરશે. તેમણે કહ્યું કે ડીએસટી યુવાનોના રોજગાર માટે કામ કરશે. તે રોજગારની પસંદગી, શિષ્યવૃત્તિઓ, કારકિર્દી પરામર્શ, કૌશલ્ય વિકાસ વગેરેમાં યુવાનો અને વિદ્યાર્થીઓને પણ ટેકો આપશે.