કાળઝાળ ગરમીનો પારો આસમાને પહોંચ્યો છે ત્યારે વરસાદના આગમન અંગને સમાચાર આવતા લોકોમાં ખુશીનું મોજું ફરી વળ્યું છે, હવામાન વિભાગ દ્વારા તાજેતરમાં કરવામાં આવેલ મુજબ 8 જૂને ચોમાસુ કેરળમાં દસ્તક આપશે.
કાળઝાળ ગરમી વચ્ચે બધા વરસાદની વાટ જોઇ રહ્યા છે, ત્યારે હવામાન વિભાગે આગાહી કરી છે કે આગામી 8 જૂનના રોજથી દેશભરમાં ચોમાસાની શરૂઆત થશે. હવામાન વિભાગની આગાહી મુજબ 8મી જૂને ચોમાસુ કેરળના દરિયા કિનારે પહોંચશે. ત્યારે 8 જૂને કેરળ સહિત દક્ષિણ ભારતના રાજ્યોમાં સારો વરસાદ પડશે. જૂન મહિનામાં દેશભરમાં ચોમાસાનો પ્રારંભ થઈ જશે એવી આગાહી હવામાન વિભાગે કરી છે.
મહત્વનું છે કે આ વર્ષે ચમાસુ એક સપ્તાહ મોડુ બેસશે. બીજી તરફ, લોકો ગરમીથી ત્રાહિમામ પોકારી ગયા છે. ત્યારે ચોમાસાની સૌ કોઈ આશા લગાવીને બેસ્યા છે. કાળઝાળ ગરમીથી લોકો ત્રાહિમામ પોકારી ગયા છે. ત્યારે 8મી જૂનથી ચોમાસાની શરૂઆત થશે તો રાજ્યના લોકોને પણ ગરમીથી રાહત મળશે.
ગુજરાતમાં ચોમાસુ મોડું?
એક તરફ રાજ્યમાં ગરમીના પ્રમાણમાં વધારો થઈ રહ્યો છે. તો બીજી તરફ વરસાદ પણ પાછો ખેંચાઈ રહ્યો છે. હવામાન વિભાગનું માનીએ તો હજુ પણ આગામી 5 દિવસ સુધી ગુજરાતમાં વરસાદની કોઈ જ સંભાવના બનતી નથી દેખાઈ રહી. આગામી 4 દિવસ સુધી અમદાવાદમાં ઓરેન્જ એલર્ટ રહેશે.
જયંત સરકારે જણાવ્યું કે સામાન્ય રીતે ગુજરાતમાં 15 જૂન પછી ચોમાસાની શરૂઆત થતી હોય છે. પણ આ વર્ષે ચોમાસું થોડું મોડું શરૂ થશે. હવામાન વિભાગનું માનીએ તો કેરળમાં ચોમાસાના આગમનની તૈયારીઓ થઈ રહી છે. તો ગુજરાત વાસીઓને 5 દિવસ બાદ તાપમાનમાં ઘટાડો થઈ શકે છે.
20 તારીખ બાદ ચોમાસાની શક્યતા
તો ગુજરાતમાં 20 જૂન બાદ વરસાદ થવાની શક્યતા છે. ચોમાસુ પાછુ ઠેલાવવાની શક્યતાઓને પગલે ખેડૂતોમાં પણ નિરાશા છવાઈ ગઈ છે. પાકની વાવણી કરી લીધી છતાં વરસાદન થતાં ખેડૂતો ચિંતાજનક સ્થિતિમાં મુકાયા છે. કપાસ સાથે અન્ય પાકનું પણ ખેડૂતોએ વાવેતર કરી દીધું છે. તો સરકારે પણ સિંચાઈ માટે પાણી આપવાની પહેલાથી જ મનાઈ ફરમાવી દીધી છે. તો કુદરત અને સરકાર બન્ને તરફથી ખેડૂતોને નિરાશાનો સામનો કરવાનો વારો આવ્યો છે.