ભારતમાં ઈદનો ચાંદ દેખાયો છે અને આજે દેશભરમાં ઈદની ઉજવણી મનાવવામાં આવશે. ભારત સહિત પાકિસ્તાન, બાંગ્લાદેશ, શ્રીલંકા, ઓસ્ટ્રેલિયા, ઈન્ડોનેશિયામાં પણ આજે ઈદની ઉજવણી થશે. જેવો ઈદનો ચાંદ આકાશમાં જોવા મળ્યો કે રોજેદારોએ એકબીજાને ઈદની શુભેચ્છા પાછવી. તો એક બીજાને ગળે મળીને પણ ઈદની શુભેચ્છા પાઠવી.
આ સાથે રોજેદારોએ ઈદની નમાઝ પણ અદા કરી અને દેશ દુનિયામાં શાંતિ જળવાઈ રહે તેવી દુઆ પણ માગી. તો રાષ્ટ્રપતિ રામનાથ કોવિંદે અને તેજસ્વી યાદવે પણ મુસ્લિમ સમુદાયને ઈદની શુભેચ્છા પાઠવી છે. આ વખતે રમઝાનની શરૂઆત 7 મેના રોજ થઈ હતી અને ત્રીસ દિવસ સુધી રમજાન મહિનો ચાલ્યો હતો.
ગત વર્ષે 16 જૂનના રોજ ભારતમાં ઈદની ઉજવણી થઈ હતી. ત્યારે આજે દેશભરમાં હર્ષોલ્લાસ સાથે ઈદની ઉજવણી થશે. તો ઈદના પગલે દિલ્લીની પ્રખ્યાત જામા મસ્જિદ અને મીના બજારને પણ ભવ્ય રોશનીથી શણગારવામાં આવ્યુ હતુ. આજે વહેલી સવારે મુસ્લિમ સમુદાય દ્વારા દેશની પ્રખ્યાત મસ્જિદોમાં નમાજ પણ અદા કરવામાં આવી. દિલ્લી સિવાય ભોપાલ, લખનઉ, હૈદરાબાદ, મુંબઈ, જમ્મૂ-કશ્મીર, લેહ લદાખ, જયપુર, રાંચી અને પટનામાં પણ ધામધૂમથી ઉજવણી ચાલી રહી છે.