સોમવારે પેટ્રોલના ભાવમાં 33 પૈસા પ્રતિ લીટરનો વધારો થયો હતો. આ સાથે ભારતની રાજધાની દિલ્હીમાં એક લિટર પેટ્રોલની કિંમત વધીને 76.57 રૂપિયા થઈ ગઈ છે. જ્યારે દેશની આર્થિક રાજધાની મુંબઈમાં પેટ્રોલની કિંમત લિટર દીઠ 84.4 સુધી વધી છે. પરંતુ એવી જગ્યા છે જ્યાં છે જ્યાં સૌથી સસ્તું પેટ્રોલ મળી રહ્યું છે.
વેનેઝુએલામાં પેટ્રોલની લિટર માત્ર 65 પૈસાનો ખર્ચ થાય છે તે આ વાત જાણી તમને નવાઇ લાગશે પરંતુ આ હકિકત છે. આ દેશમાં સૌથી સસ્તુ પેટ્રોલ મળવા પાત્ર છે. છે. અખાતી દેશોમાં પણ જ્યાં ક્રૂડ તેલના ભંડાર છે ત્યાં પણ આટલુ સસ્તું પેટ્રોલ મળતું નથી. સાઉદી અરેબિયાની વાત કરીએ તો ત્યાં પેટ્રોલ લીટર દીઠ રૂ. 15 રૂપિયાના ભાવે વેંચાય છે જ્યારે એશિયાઈ દેશ મલેશિયામાં લીટર દીઠ રૂ. 34 નો ખર્ચ થાય છે.
ભારતના પડોશી રાષ્ટ્રોમાં પેટ્રોલની કિંમત ધાર્યા કરતાં પણ ઘણી ઓછી છે. પડોશી દેશ પાકિસ્તાનમાં જ્યાં એક લીટર પેટ્રોલનો ભાવ માત્ર 44-45 છે જ્યારે શ્રીલંકાની વાત કરીએ તો ત્યાં તેની કિંમત લગભગ 54 રૂપિયા છે. નેપાળમાં પણ પેટ્રોલ લિટર દીઠ રૂ. 62થી વધારે થતી નથી.
આવા કિસ્સાઓ સાંભળીને ક્યારેક અચંબિત થઇ જવાય છે અને થાય છે કે આપણે કેમ એવા દેશોમાં જન્મ્યા નથી જ્યાં પાણી સાથે સસ્તું પેટ્રોલ ઉપલબ્ધ છે? પરંતુ એવા દેશો પણ છે જ્યાં પેટ્રોલની કિંમત 100 રૂપિયાથી વધુ છે. એક લિટર પેટ્રોલ માટે યુ.કે.માં 102 રૂપિયાની કિંમત જ્યારે ઇટાલીમાં તે 115 રૂપિયા ગ્રાહકો ખર્ચવા પડે છે.
ઉલ્લેખનીય છે કે વિશ્વમાં સૌથી મોંઘુ પેટ્રોલ આઇસલેન્ડમાં મળે છે. જ્યાં પેટ્રોલનો ભાવ પ્રતિ લિટર રૂ. 135.68 જેટલો છે. જ્યારે હોંગકોંગમાં એક લિટર પેટ્રોલની કિંમત 134.09 રૂપિયા છે. જો કે અહીં મોટી સંખ્યામાં પેટ્રોલ આયાત કરવામાં આવે છે.