કૌભાંડ / હવે નકલી નોટ ઝડપાવા મામલે પણ દેશમાં ગુજરાત અવ્વલ, જાણો 500-2000ની કેટલી નોટ ઝડપાઇ

• સીમાવર્તી રાજ્યોમાં નકલી નોટોનું મોટું કૌભાંડ
• ગુજરાત અને બંગાળમાં સૌથી વધુ નકલી નોટોનો કારોબાર
• 2000 અને 500ની નકલી નોટો મામલે ગુજરાત અવ્વલ

છેલ્લા 3 વર્ષમાં 17 સીમાવર્તી રાજ્યોમાંથી 150673 નકલી નોટ ઝડપાઈ છે. 2000 અને 500 રૂપિયાની નકલી નોટમાં પણ ગુજરાત સૌથી આગળ છે. વર્ષ 2017માં 104, 2018માં 4622 અને 2019માં 5558 નકલી નોટ જપ્ત કરવામાં આવી હતી. આની કુલ રકમ 74 લાખ રૂપિયા થાય છે. 200ની નકલી નોટ પકડાવા મામલે પંજાબ ટોપ પર છે. તો ગુજરાત અહીં બીજા નંબર પર રહ્યું.

આ તે ટોપ રાજ્ય, જ્યાં 2000 રૂપિયાની નકલી નોટ પકડાઇ છે

નોટબંધી બાદ પણ નકલી નોટનો કાળો કારોબાર વધ્યો છે. સરકારે નોટબંધી સમયે નકલી નોટનો કારોબાર બંધ થવાનો દાવો કર્યો હતો. જોકે આ દાવો પણ પોકળ સાબિત થયો છે. સીમાવર્તી રાજ્યોમાં નકલી નોટો ઝડપાઇ તે અંગે વિગતવાર યાદી...