ડભોઈ નગરપાલિકાના કાઉન્સિલરોએ ભૂમાફિયા ઉપર બોલાવ્યો સપાટો, કરણેટ ગામે પાલિકાની હદ વિસ્તારમાં ઓરસંગ નદીમાં ચાલતા રેતી ખનન પર કર્યું હલ્લાબોલ.
કોંગ્રેસ કોર્પોરેટરોનો ભૂમાફિયાઓ પર સપાટો
પાલિકાના હદ વિસ્તારમાં ચાલતું હતું રેતી ખનન
1 ટ્રેક્ટર ઝડપવામાં કોર્પોરેટેરોને મળી સફળતા
છેલ્લા કેટલાય સમયથી ડભોઈ તાલુકાના કરણેટ સહિત આસપાસના ગામોમાંથી ઓરસંગ નદીના પટ વિસ્તારમાં બિનઅધિકૃત રીતે રેતી અને માટીનું મોટાપાયે ખનન ચાલી રહ્યું હોવાની સ્થાનિકો દ્વારા અનેક ફરિયાદો કરવામાં આવી હતી. તેમ છતાં વહીવટી તંત્ર આંખ આડા કાન કરી રહ્યું હતું. ત્યારે સ્થાનિકોની ફરિયાદોના આધારે ડોભોઈ નગરપાલિકાના કોર્પોરેટરોએ ભૂમાફિયા પર સપાટો બોલાવતા ભૂમાફિયાઓમાં ભારે ફફડાટ ફેલાયો છે.
કોર્પોરેટરોએ ભૂમાફિયા પર બોલાવ્યો સપાટો
ડભોઈ નગરપાલિકાના હદ વિસ્તારમાં ઓરસંગ નદીના કાંઠે આવેલા ગામોના પટમાં ભૂમાફિયાઓ બેફામ બન્યા હોવાની અનેક ફરિયાદો આવતા કોંગ્રેસના કોર્પોરેટરોએ ભૂમાફિયા પર સપાટો બોલાવ્યો હતો. ડભોઈ નગરપાલિકાના કોંગ્રેસના કાઉન્સિલરોએ કરણેટ ગામે પાલિકાની હદ વિસ્તારમાં ચાલતા રેતી ખનન પર રાત્રિના સમયે હલ્લાબોલ કર્યો હતો.
15 ટ્રેક્ટર પૈકી એક ટ્રેક્ટર પકડવામાં મળી સફળતા
આ દરમિયાન ભૂમાફિયાઓએ કોર્પોરેટરો ઉપર ટ્રેક્ટર ચઢાવવાનો પ્રયાસ કર્યો હતો. કોંગ્રેસના કોર્પોરેટરો દ્વારા હલ્લાબોલ કરવામાં આવતા ભૂમાફિયાઓ ભાગવા લાગ્યા હતા. આ દરમિયાન 15 ટ્રેક્ટર પૈકી એક ટ્રેક્ટર પકડવામાં મળી સફળતા હતી. કોંગ્રેસ કોર્પોરેટરોના એક્શન બાદ જવાબદાર અધિકારીઓ સામે અનેક સવાલો થઈ રહ્યા છે.
સળગતા સવાલ
રેતી ખનન ચાલતું હતું છતાં નગરપાલિકા કેમ હતું અજાણ?
જો કોર્પોરેટરને રેત ખનનની જાણ છે તો ભૂસ્તર વિભાગ કેમ અજાણ?