દમણ નગરપાલિકાના કાઉન્સિલર દ્વારા સુરત રેન્જ આઈજી પર ગંભીર આક્ષેપ કરાયો છે. કાઉન્સિલર સલીમ મેમણે સુરત રેન્જ આઇજી પર બળાત્કારના કેસમાં ખોટી રીતે ફસાવી અને 5 કરોડ માગવાનો આક્ષેપ કર્યો છે.
કાઉન્સીલરે કહ્યું કે, સસ્તામાં જમીન ખરીદવાના કેસના બદલે બળાત્કારના કેસમાં ફસાવી દેવાયો છે અને સુરત રેન્જ આઇજીએ 5 કરોડ પણ માગ્યા છે. દમણ નપાના કાઉન્સિલર હાલ સુરત સિવિલમાં સારવાર લઇ રહ્યાં છે.
નવસારી જેલમાં સલીમની તબિયત લથડતા સલીમને સુરત હોસ્પિટલ ખસેડાયો છે. વલસાડ પોલીસે સલીમ મેમણની ખંડણીના આરોપમાં ધરપકડ કરી હતી. મુંબઇની યુવતીએ સલીમ પર બળાત્કારનો આરોપ લગાવ્યો છે.