મોંઘવારીનો માર સહન કરી રહેલી જનતા માટે ફરી માઠા સમાચાર આવ્યાં છે. રાજ્યમાં સિંગતેલ અને અન્ય ખાદ્યતેલના ભાવમાં વધારો થયો છે. આમ એક બાજુ ડુંગળી, બટાકા સહિત શાકભાજીના ભાવ આસમાને જોવા મળી રહ્યાં છે ત્યારે આમ જનતા માટે પોતાનું મહિનાનું બજેટ ખોરવાતું જોવા મળી રહ્યું છે.
ગુજરાતમાં ખાધ્યતેલના ભાવ આસમાને પહોચ્યા
એક મહિનામાં 120 થી 320 રૂપિયાનો વધારો
આખા ઘરનુ બજેટ ખોરવી નાખશે તેલના ભાવ
ગુજરાતમાં ખાદ્યતેલના ભાવ આસમાને પહોંચ્યા છે એક મહિનામાં તેલના ભાવમાં 120થી 320 સુધીનો વધારો થયો છે. જેના કારણે ગૃહિણીનું બજેટ ખોરવાયું છે. ત્યારે ભાવ વધારા માટે તેલ માફિયાઓની નફાખોરી જવાબદાર છે.
પામતેલની આડમાં સિંગતેલ-કપાસિયા તેલના ભાવ વધી ગયા છે. કપાસિયા તેલ અને સનફ્લાવર તેલનો સૌથી વધુ વપરાશ થાય છે. ભારતમાં ખાદ્યતેલની 240 લાખ ટનની વર્ષિક જરૂરિયાત છે.
જ્યારે રાજ્યમાં કપાસિયા અને મગફળીને મબલખ આવક થઇ છે. છતા પણ ભાવ વધી કહ્યાં છે. નિષ્ણાંતોના મત ભાવ અત્યારે નીચા જવા જોઇએ. હાલ સિંગતેલના ડબ્બાના ભાવ 1950 રૂપિયા છે. કપાસિયા તેલના ડબ્બાના ભાવ 1500 અને સનફ્લાવર તેલના ડબ્બાના ભાવ 1430 છે.